Гамбийәдә тутуп қелинған уйғурлар түркийәгә саламәт қайтип кәлгән

Мухбиримиз ирадә
2019-11-14
Елхәт
Пикир
Share
Принт

Гамбийә айродромида тутуп қелинған 12 яшлиқ бир балини өз ичигә алған 3 нәпәр уйғур түркийәгә саламәт қайтип кәлгән. Белгийә уйғур бирликиниң бу һәқтики уқтурушиға қариғанда, улар 11-ноябир күни түркийәгә қайтип келип, хитайға қайтурулуш хәвпидин қутулған. юқириқи бу хәвәрниң тоғрилиқи уларниң аилә тавабиатлири тәрипидин дәлилләнгән.

Қурбан мамут вә 12 яшлиқ оғли орхан қурбан һәмдә сәпәрдеши дилшат мәмәтләр бирликтә 21-өктәбир түркийәдин гамбийәгә кәлгән болуп, 27-өктәбир гамбийәдин явропаға қарап йолға чиқмақчи болғанда тутуп қелинған иди.

Радийомиз әйни чағда уларни тутқун қилған гамбийә сақчилирини зиярәт қилғанда бу үчәйләнниң қолидики паспорти хитай паспорти болсиму, әмма чирайи хитайға охшимиғанлиқтин гуман қозғап қойғанлиқи мәлум болған. Шу чағда уларниң хитайға қайтурулуш хәвпигә қарши һәрқайси уйғур паалийәтчилири вә хәлқара кәчүрүм тәшкилати қатарлиқ органлар дәрһал һәрикәткә өтүп, уларниң хитайға қайтурулмаслиқи үчүн мунасивәтлик органлар билән алақиләшкән иди.

Пикирләр (0)
Share
Толуқ бәт