Tyen'enméin aniliri ochuq xet élan qilip, xitay rehbiri shi jinpingni tenqid qildi

1889‏-Yili tyen'enméin weqeside uruq-tughqanliri xitay qoralliq küchliri teripidin basturulghan 100 din artuq kishi jüme küni ochuq xet élan qilip, xitay kompartiye rehbiri shi jinpingni qattiq tenqid qilghan.

Chet'eldiki bir xitay kishilik hoquq tor bétide élan qilin'ghan ochuq xette, shi jinpingni “Heqiqiy islahatchi emes, dep eyibligen. Mezkur ochuq tyen'enméin oqughuchilar démokratiye herikiti basturulghan “4‏-Iyun weqesi” ning 24 yilliq xatire küni yétip kélish harpisida élan qilin'ghan.

Ochuq xette yene, shi jinping hoquqni ötküzüwalghandin kéyin, xitayning arqigha chékinip ketkenliki ilgiri sürülüp: wehalenki, biz zor qedem bilen maw zédong idiyisige qarap chékinish ehwalini körduq. Bu shi jinpingning islahat élip baridighanliqigha ümid baghlighan kishilerni ümidsizlik we charisizliqqa muptila qildi, dep körsetken.

Tyen'enméin weqesi yüz bérip 24 yil ötken bolsimu, biraq xitay hökümiti tyen'enméin herikitini aqlashni izchil ret qilip kelgen. Ochuq xette, özlirining barliq tirishchanliqi héchqandaq ünüm bermigenliki, hökümetning buninggha héchqandaq jawab qayturmighanliqi eskertilip, biraq “4‏-Iyul weqesi” ge qayta baha bérilip, ziyankeshlikke uchrighanlarning rohi xatirjem qilinmighuche, özlirining bu yoldin qaytmaydighanliqini bildürgen.