Америка уйғур бирләшмиси рабийә қадир ханим түрмидин қоюп берилгәнликиниң 10 йиллиқи мунасивити билән баянат елан қилди

Мухбиримиз қутлан
2015-03-16
Елхәт
Пикир
Share
Принт

Бүгүн америка уйғур бирләшмиси рабийә қадир ханимниң хитай түрмисидин чиқип, америкиға кәлгәнликиниң 10 йиллиқи мунасивити билән баянат елан қилған.

Баянатта рабийә қадир ханимниң америкиға кәлгәндин буян, уйғур кишилик һоқуқ вә демократийә һәрикитиниң рәһбири, дуня уйғур қурултийиниң рәиси сүпитидә уйғур мәсилиси бойичә хәлқарада һармай-талмай елип барған хизмәтлиригә юқири баһа берилгән.

Баянатта америка уйғур бирләшмисиниң рәиси алим сейитофниң төвәндики сөзлири нәқил кәлтүрүлгән: «рабийә ханим хитай даирилириниң шәрқий түркистанда йүргүзүватқан рәһимсизләрчә һөкүмранлиқиға қарши уйғур хәлқиниң тинч усулдики күришиниң символи. Хитай һөкүмити рабийә ханимниң хәлқарадики паалийәтлирини чәкләш вә авазини өчүрүш үчүн әң рәзил усулларни қоллинип, униң аилә әзалирини түрмигә қамиди, һәтта униң өзини "террорист" дегән боһтан билән әйиблиди. Һалбуки, рабийә ханим изчил һалда һәқ сөзни сөзләштин вә миллий дәва йолидин қайтмиди…»

Баянатта йәнә рабийә қадир ханимниң 2006-йилидин буян уйғур дәваси йолида хәлқарада елип барған паалийәтлири қисқичә әсләп өтүлгән шундақла юқири баһа берилгән.

Пикирләр (0)
Share
Толуқ бәт