Amérika Uyghur birleshmisi rabiye qadir xanim türmidin qoyup bérilgenlikining 10 yilliqi munasiwiti bilen bayanat élan qildi

Muxbirimiz qutlan
2015-03-16
Élxet
Pikir
Share
Print

Bügün amérika Uyghur birleshmisi rabiye qadir xanimning xitay türmisidin chiqip, amérikigha kelgenlikining 10 yilliqi munasiwiti bilen bayanat élan qilghan.

Bayanatta rabiye qadir xanimning amérikigha kelgendin buyan, Uyghur kishilik hoquq we démokratiye herikitining rehbiri, dunya Uyghur qurultiyining re'isi süpitide Uyghur mesilisi boyiche xelq'arada harmay-talmay élip barghan xizmetlirige yuqiri baha bérilgen.

Bayanatta amérika Uyghur birleshmisining re'isi alim séyitofning töwendiki sözliri neqil keltürülgen: "Rabiye xanim xitay da'irilirining sherqiy türkistanda yürgüzüwatqan rehimsizlerche hökümranliqigha qarshi Uyghur xelqining tinch usuldiki kürishining simwoli. Xitay hökümiti rabiye xanimning xelq'aradiki pa'aliyetlirini cheklesh we awazini öchürüsh üchün eng rezil usullarni qollinip, uning a'ile ezalirini türmige qamidi, hetta uning özini "térrorist" dégen bohtan bilen eyiblidi. Halbuki, rabiye xanim izchil halda heq sözni sözleshtin we milliy dewa yolidin qaytmidi…"

Bayanatta yene rabiye qadir xanimning 2006-yilidin buyan Uyghur dewasi yolida xelq'arada élip barghan pa'aliyetliri qisqiche eslep ötülgen shundaqla yuqiri baha bérilgen.

Toluq bet