Уйғур америка бирләшмиси хитайни 5-июл үрүмчи вәқәсиниң һәқиқитини ашкарилашқа чақирди

Мухбиримиз меһрибан
2015-07-03
Share

5-Июл үрүмчи вәқәсиниң 6 йиллиқида уйғур америка бирләшмиси баянат берип, хитайни вәқәниң һәқиқитини ашкарилашқа чақирди.

Америка уйғур бирләшмиси баянатида "хитай һөкүмити 2009-йили 5-июл вәқәсиниң йүз бериш сәвәбини вә бу мәзгилидә, хитай сақчилири вә армийисиниң шәрқий түркистанда елип барған бастурушида өлгән вә ғайиб болған уйғурлар һәққидә тохтилиштин өзини қачуруп кәлмәктә. Мәтбуатларниң 2009-йилдики 5-июл үрүмчи вәқәсигә даир хәвәрләрни беришини тосуп, хәлқара мустәқил тәкшүрүш өмикиниң вәқәниң һәқиқитини тәкшүрүшини давамлиқ рәт қилип кәлмәктә. 5-Июл қирғинчилиқи һәққидә учур тарқатқанларни түрмиләргә солимақта. Хитай һөкүмити әйни чағдики вәқә һәққидә дуняға җаваб бериш керәк" дегән.

Америка уйғур бирләшмисиниң рәиси алим сейитоф әпәнди, мәтбуатларға бәргән баянатида, хитай һөкүмитиниң 5-июлда өлтүрүлгән уйғурлар вә даириләр тәрипидин тутқун қилинип ғайиб қиливетилгән уйғурларниң уруқ-туғқанлириға җаваб беришини тәләп қилип, "5-июл вәқәси йүз бәргинигә 6 йил болди, әмма хитай һөкүмити әйни чағда тинч намайиш қилип өз тәләплирини оттуриға қойған, қолида өмүрниң сунуқи болмиған уйғурларни зор түркүмдә һәрбий қошунни йөткәп келип, еғир қоралларни ишлитип бастурди. Вәқәдә өлтүрүлгән, тутқун қилинған вә ғайиб болған уйғурлар сани дуняни чөчүтиду. Ғайибларниң ата-анилири уруқ-туғқанлири болса һазирға қәдәр өлгән вә ғайиб болған қериндашлириниң әһвалидин хәвәрсиз турмақта" дегән.

2009-Йилдики 5-июл үрүмчи вәқәсиниң 6 йиллиқи мунасивити билән дуня уйғур қурултийиниң орунлаштурушида, һәрқайси дөләтләрдә муһаҗирәттә туруватқан уйғурлар намайиш вә йиғилишларни өткүзүп, хитайдин уйғурларға қаритилған бастурушни тохтитишни тәләп қилмақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт