Yaponiye Uyghurlarning weziyitidin endishe qiliwatqanliqini bildürgen

Muxbirimiz irade
2019-11-27
Élxet
Pikir
Share
Print

Yaponiye tashqi ishlar ministiri tashimitsu motégi 26-noyabir, yeni seyshenbe küni yaponiyening xitay hökümitining Uyghurlar we Uyghur diyaridiki bashqa yerlik musulman milletlerge qiliwatqan mu'amilisidin endishe qiliwatqanliqini bildürgen.

Yaponiyening döletlik kündilik géziti bolghan "Maynichi" gézitining xewer qilishiche, xitay hökümitining Uyghur élide yolgha qoyuwatqan lagérliri we bashqa nazaret sistémiliri heqqidiki mexpiy höjjiti ashkarilan'ghandin kéyin, yaponiye hökümitining diqqitini qozghighan.

Yaponiye tashqi ishlar ministiri tashimitsu motégi axbarat élan qilish yighinida bu heqtiki so'allargha jawab bérip: "Biz erkinlik we kishilik hoquqqa hörmet qilish, qanun boyiche ish körüshke oxshash uniwérsal hoquqlarning xitayda kapaletke ige qilinishini muhim dep qaraymiz. Shunga biz shinjang Uyghur aptonom rayonining kishilik hoquq weziyitini endishe ichide közitiwatimiz," dégen.

U yene 25-noyabir küni özining xitay tashqi ishlar ministiri wang yi bilen körüshkendimu yuqiriqi meydanini ipadiligenlikini bildürgen.

-26Noyabir küni yene shiwéyitsariye tashqi ishlar ministirliqi mexsus yazma bayanat élan qilip, lagérlar heqqide ashkarilan'ghan höjjetlerge inkas qayturghan. Ular bayanatida xitay hökümitining herqaysi döletlerning Uyghur éli weziyiti heqqidiki endishilirini diqqetke élishini, b d t musteqil tekshürgüchilirining lagérlarni cheklimisiz ziyaret qilishigha yol qoyushini telep qilghan.

Aldinqi künliri gérmaniye, en'gliye we yawropa ittipaqimu ayrim-ayrim halda lagérlar heqqidiki mexpiy höjjetlerge inkas bildürüp, xitay hökümitini xelq'ara jem'iyetning rayonda erkin tekshürüsh élip bérishigha yol qoyushqa chaqirghan idi.

Toluq bet