Xitay da'iriliri ijtima'iy taratqulardiki Uyghur éligha da'ir ün-sin uchurlirigha adettin tashqiri sezgürlük körsetmektiken

Muxbirimiz qutlan
2016-12-03
Share


Noyabirning axiriqi heptisidin buyan ündidarda tarqiliwatqan Uyghur éligha da'ir ün-sin uchurliri xitay tor saqchiliri bilen teshwiqat organlirini adettin tashqiri sezgürleshtüriwetken.

Xitaydiki "Azadliq géziti tori" we "Junggo shinjang tori" qatarliq hökümet taratqulirining xewirige qarighanda, 22-noyabirdin buyan ündidar, féysbuk qatarliq ijtima'iy taratqularda bir heptigiche tarqalghan bir qisqa sin körünishi xitay tor saqchilirini jiddiyleshtüriwetken.

Mezkur sin körünishide xitaydiki melum bir sheherning merkiziy meydanida qoligha uzun pichaq kötürgen birining qalaymiqan adem chanighan we saqchilarning uni étip öltürgen jeryani körsitilgen.

22-Noyabir küni ündidarda mezkur sin körünishige qoshumche qilinip: "Bu tönügün chüshtin burun qeshqerdiki xelq meydanida yüz bergen bir zorawanliq weqesi. Bir neper hujumchi uzun pichaq bilen 4 ademni chanap öltürgen. Saqchilar chaqmaq tézlikide heriket qilip, hujumchilardin 5-6 kishini neq meydanda étip öltürdi," dep chüshendürüsh bergen.

Uyghur aptonom rayonidiki qanunsiz we tesiri yaman xewerlerni pash qilish merkizi 24-noyabir küni bu heqte mexsus bayanat élan qilip, ündidarda tarqalghan bu sin körünishining saxta xewer ikenlikini, buning qeshqerde yüz bergen rast weqe bolmastin, belki lyawning ölkisining dendong shehiride élip bérilghan bir maniwérning sin körünishi ikenlikini ilgiri sürgen. Xitayda chiqidighan "Azatliq géziti tori" we bashqa hökümet taratqulirimu bu heqte xewer bergen.

Közetküchiler, bu weqe xitay da'irilirining ijtima'iy taratqulardiki Uyghur éligha alaqidar herqandaq uchur we xewerge eng zor sezgürlük bilen qaraydighanliqini, bolupmu bundaq weqelerning xelq'ara taratqularda ghulghula peyda qilishidin endishe qilidighanliqini körsitidu, dep qarimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet