Ursula gotiyir firansiye we yawropa ittipaqini xitayning az sanliq milletlerni néme qiliwatqanliqigha diqqet qilishqa chaqirdi

Xitayning Uyghur rayonidiki siyasitini tenqid qilip chégradin qoghlap chiqirilghan firansiyelik zhurnalist ursula gotiyir, firansiye we yawropa ittipaqini xitayda néme boluwatqanliqigha we xitayning az sanliq milletlerge néme qiliwatqanliqigha diqqet qilishqa chaqirdi.

U bu chaqiriqni 31 - dékabir xitaydin ayrilishtin sel burun firansiye agéntliqi muxbirigha qilghan sözide otturigha qoydi. Xitay hökümiti ursula gotiyirni uning bay kan weqesi heqqide yazghan maqalisi seweblik chégradin qoghlap chiqarghan idi.

Ursula gotiyir, xitayning bay kan weqesini parizh térrorluq hujumi bilen sélishturghanliqigha so'al qoyghan we bay kan weqesini xitayning siyasiti keltürüp chiqarghanliqini ilgiri sürgen idi.

Lékin uning maqalisi xitay da'irilirining ghezipini qozghighan. Xitay tashqi ishlar ministirliqi uning muxbirliq kinishkisini uzartip bérishni ret qilghan. Netijide u 31 - dékabir xitaydin ayrilishqa mejbur bolghan idi.

Ursula gotiyir firansiye agéntliqi muxbirigha qilghan sözide: “Firansiye we yawropa ittipaqi bu bir zhurnalist yaki axbarat erkinlikige alaqidar bolghanliqi üchünla emes, belki u xitay we xitayning az sanliq milletlerge néme qiliwatqanliqi, hetta köp sanliq xelqning oxshash mesilige duch kéliwatqanliqi we bu yerde néme yüz bériwatqanliqigha diqqet qilishi kérek.” dégen.

Xitay tashqi ishlar ministirliqi bolsa ursulaning térrorluqini qollighanliqini ilgiri sürüp, uning epu sorashni ret qilghanliqi üchün wizisi uzartilmighanliqini bildürgen.