Үрүмчи билән чәрчән арисида һәптидә бәш қетим айропилан қатниши йолға қоюлди

Мухбиримиз үмидвар
2016-12-18
Share

Уйғур дияриниң мәркизи үрүмчи билән уйғур дияриниң әң җәнубидики қарақурум тағлириға йеқин чәрчән наһийисини биваситә туташтуридиған һава йолида 19-декабир, йәни дүшәнбә күнидин етибарән рәсми пуқралар қәрәллик айропилан қатниши йолға қоюлидикән.

Әслидә чәрчәндә кичик көләмдики айродром мәвҗут болған болсиму, әмма буни кеңәйтиш қурулуш тездин елип берилип, ахири көлими бир қәдәр чоң "йүду" айродроми ишқа кириштүрүлгән. Мәлум болушичә, йеңи ечилған үрүмчи-корла-чәрчән һава йолиниң нөвәтлик айропиланлири һәптидә бәш күн, һәр нөвәт бир қетимдин қатнайдикән.

"нур тори"дики хәвәрдә көрситилишичә, хитай тәрәп үрүмчи билән тарим вадисиниң әң җәнубидики чәт наһийә чәрчәнгә һава қатниши йолға қоюшни, "шинҗаңниң авиатсийә линийиси торини йәниму қоюқлаштуруш, чәрчән вә байинғолин моңғул аптоном областиниң универсал қатнаш-транспорт системисини мукәммәлләштүрүш" дәп атиған.

Игилишимизчә, йәнә чәрчәнни өз ичигә алған тарим вадисиниң җәнуби билән чиңхәй өлкисини биваситә туташтуридиған төмүр йол қурулушиму елип берилмақта.

Чәтәлдики уйғур мутәхәссисләрниң қаришичә, тарим вадисиниң әтрапи уйғурлар әң көп вә зич олтурақлашқан район һесаблиниду. Қатнаш васитилириниң тәрәққияти бу район нопус қурулмисини тез өзгәртиватқан болуп, хитайниң ичкири өлкилиридин келидиған көчмән нопусниң бу районда ешиши тезләшмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт