Ürümchi bilen cherchen arisida heptide besh qétim ayropilan qatnishi yolgha qoyuldi

Muxbirimiz ümidwar
2016-12-18
Share

Uyghur diyarining merkizi ürümchi bilen Uyghur diyarining eng jenubidiki qaraqurum taghlirigha yéqin cherchen nahiyisini biwasite tutashturidighan hawa yolida 19-dékabir, yeni düshenbe künidin étibaren resmi puqralar qerellik ayropilan qatnishi yolgha qoyulidiken.

Eslide cherchende kichik kölemdiki ayrodrom mewjut bolghan bolsimu, emma buni kéngeytish qurulush tézdin élip bérilip, axiri kölimi bir qeder chong "Yüdu" ayrodromi ishqa kirishtürülgen. Melum bolushiche, yéngi échilghan ürümchi-korla-cherchen hawa yolining nöwetlik ayropilanliri heptide besh kün, her nöwet bir qétimdin qatnaydiken.

"Nur tori"diki xewerde körsitilishiche, xitay terep ürümchi bilen tarim wadisining eng jenubidiki chet nahiye cherchen'ge hawa qatnishi yolgha qoyushni, "Shinjangning awi'atsiye liniyisi torini yenimu qoyuqlashturush, cherchen we bayin'gholin mongghul aptonom oblastining uniwérsal qatnash-transport sistémisini mukemmelleshtürüsh" dep atighan.

Igilishimizche, yene cherchenni öz ichige alghan tarim wadisining jenubi bilen chingxey ölkisini biwasite tutashturidighan tömür yol qurulushimu élip bérilmaqta.

Chet'eldiki Uyghur mutexessislerning qarishiche, tarim wadisining etrapi Uyghurlar eng köp we zich olturaqlashqan rayon hésablinidu. Qatnash wasitilirining tereqqiyati bu rayon nopus qurulmisini téz özgertiwatqan bolup, xitayning ichkiri ölkiliridin kélidighan köchmen nopusning bu rayonda éshishi tézleshmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet