Даириләр үрүмчи тик қудуқтики уйғурлар топлишип олтурақлашқан кәпилик районни чақидиғанлиқини билдүргән

Мухбиримиз җүмә
2016-09-03
Share


Уйғур аптоном районлуқ даириләр үрүмчи тик қудуқтики уйғурлар топлишип олтурақлашқан кәпилик районни өзгәртип қуруш үчүн бу йәрдики миң аилиликтин артуқ уйғур аһалисини көчүридиғанлиқини елан қилған.

"тәңритағ тори" ниң бу һәқтики хәвиригә қариғанда, үрүмчи тик қудуқтики уйғурлар топлишип олтурақлашқан кәпилик район пат арида чеқилидикән һәмдә бу йәрдики 1347 аилилик көчүрүлидикән.

Игилинишичә, үрүмчи тик қудуқтики 1 - номурлуқ кәпилик район һазирғичә үрүмчи әтрапида сақлинип қалған уйғурлар топлишип олтурақлашқан әң чоң кәпилик район һесаблинидикән.

Бу йәрдики аһалиләрниң көпинчиси 1951 - йили үрүмчи тик қудуқ көмүр кени ечилғандин кейин уйғур елиниң җәнуб вә шималидин йөткәп келингән уйғур ишчи - хизмәтчиләр икән. Әйни вақитта һөкүмәт уларниң олтурақ өй еһтияҗини һәл қилмиғачқа, бу йәрдә уйғурларни асас қилған кәпилик район шәкилләнгән икән.

Хәвәрдә дейилишичә, 2010 - йили үрүмчи тик қудуқ көмүр кени вәйран болғанлиқини җакарлиған. Әмма бу йәрдики кәпилик районниң мәсилиси шу петичә һәл қилинмай кәлгән. Мәлум болушичә, бу районни өзгәртип қуруш үчүн аз дегәндә 4600 дин артуқ аилиликниң кәпә өйлири чеқилидикән.

Көзәткүчиләр, үрүмчи тик қудуқтики кәпилик районниң чеқилиши билән бу йәрдики көп қисим уйғур аһалилириниң туралғу маканидин мәңгүлүк айрилип қелиш хәвпигә дуч келиватқанлиқини илгири сүрмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт