Da'iriler ürümchi tik quduqtiki Uyghurlar topliship olturaqlashqan kepilik rayonni chaqidighanliqini bildürgen

Muxbirimiz jüme
2016-09-03
Share


Uyghur aptonom rayonluq da'iriler ürümchi tik quduqtiki Uyghurlar topliship olturaqlashqan kepilik rayonni özgertip qurush üchün bu yerdiki ming a'ililiktin artuq Uyghur ahalisini köchüridighanliqini élan qilghan.

"Tengritagh tori" ning bu heqtiki xewirige qarighanda, ürümchi tik quduqtiki Uyghurlar topliship olturaqlashqan kepilik rayon pat arida chéqilidiken hemde bu yerdiki 1347 a'ililik köchürülidiken.

Igilinishiche, ürümchi tik quduqtiki 1 - nomurluq kepilik rayon hazirghiche ürümchi etrapida saqlinip qalghan Uyghurlar topliship olturaqlashqan eng chong kepilik rayon hésablinidiken.

Bu yerdiki ahalilerning köpinchisi 1951 - yili ürümchi tik quduq kömür kéni échilghandin kéyin Uyghur élining jenub we shimalidin yötkep kélin'gen Uyghur ishchi - xizmetchiler iken. Eyni waqitta hökümet ularning olturaq öy éhtiyajini hel qilmighachqa, bu yerde Uyghurlarni asas qilghan kepilik rayon shekillen'gen iken.

Xewerde déyilishiche, 2010 - yili ürümchi tik quduq kömür kéni weyran bolghanliqini jakarlighan. Emma bu yerdiki kepilik rayonning mesilisi shu pétiche hel qilinmay kelgen. Melum bolushiche, bu rayonni özgertip qurush üchün az dégende 4600 din artuq a'ililikning kepe öyliri chéqilidiken.

Közetküchiler, ürümchi tik quduqtiki kepilik rayonning chéqilishi bilen bu yerdiki köp qisim Uyghur ahalilirining turalghu makanidin menggülük ayrilip qélish xewpige duch kéliwatqanliqini ilgiri sürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet