Үрүмчи шәһири даирилири мәктәпләр әтрапида тамака сетишни чәклимәкчи

Үрүмчи шәһәр даирилири 2016 - йили, 1 - марттин етибарән шәһәрдики башланғуч вә оттура мәктәпләр әтрапида тамака сетишни чәкләш вә бу йәрләргә орунлашқан парчә тамака сетиш нуқтилирини тазилап, рәткә селиш ишлирини йолға қойидикән.

Тәңри тағ ториниң хәвәр қилишичә, бу қарар 27 - январ күни үрүмчидә өткүзүлгән мәхсус тамака сетиш ишлирини башқурушқа аит йиғинда чиқирилған болуп, үрүмчи шәһиригә қарашлиқ үрүмчи шәһәрлик хәлқ қурултийи даимий комитети, үрүмчи шәһәрлик хәлқ һөкүмити қанун - түзүм ишханиси, сода - санаәтни мәмурий башқуруш идариси вә башқа бир қисим идариләрниң орақтлишиши билән мәзкур мәктәпләр әтрапида тамака сетишни чәкләшни өз ичигә алған тамака содисиға аит “йеңи лайиһә” мақулланған икән.

Хәвәрдә үрүмчи шәһиридә мәхсус тамака сетиш нуқтисидин 13 миң 600и барлиқи йезилған.

Тамака мәсилиси хитайдики әң муһим иҗтимаий вә сағламлиқ мәсилилириниң биргә айланған болуп, җамаәт сорунлири, ишханилар вә башқа мунасивәтлик орунларда тамака чекишни чәкләш йолға қоюлмақта икән.

“җуңго уйғурчә радио тори”ниң йезишичә, “хитай кесәлликниң алдини елиш контрол қилиш мәркизи” бир доклат елан қилип, хитайда тамакиниң тарқилишиниң йәнила интайин еғир икәнлики, әмма хәлқниң тамака чәкләш роһиниң өсүватқанлиқи көрсәткән.