Ürümchi shehiri da'iriliri mektepler etrapida tamaka sétishni cheklimekchi

Muxbirimiz ümidwar
2016-01-31
Share


Ürümchi sheher da'iriliri 2016 - yili, 1 - marttin étibaren sheherdiki bashlan'ghuch we ottura mektepler etrapida tamaka sétishni cheklesh we bu yerlerge orunlashqan parche tamaka sétish nuqtilirini tazilap, retke sélish ishlirini yolgha qoyidiken.

Tengri tagh torining xewer qilishiche, bu qarar 27 - yanwar küni ürümchide ötküzülgen mexsus tamaka sétish ishlirini bashqurushqa a'it yighinda chiqirilghan bolup, ürümchi shehirige qarashliq ürümchi sheherlik xelq qurultiyi da'imiy komitéti, ürümchi sheherlik xelq hökümiti qanun - tüzüm ishxanisi, soda - sana'etni memuriy bashqurush idarisi we bashqa bir qisim idarilerning oraqtlishishi bilen mezkur mektepler etrapida tamaka sétishni chekleshni öz ichige alghan tamaka sodisigha a'it "Yéngi layihe" maqullan'ghan iken.

Xewerde ürümchi shehiride mexsus tamaka sétish nuqtisidin 13 ming 600i barliqi yézilghan.

Tamaka mesilisi xitaydiki eng muhim ijtima'iy we saghlamliq mesililirining birge aylan'ghan bolup, jama'et sorunliri, ishxanilar we bashqa munasiwetlik orunlarda tamaka chékishni cheklesh yolgha qoyulmaqta iken.

"Junggo Uyghurche radi'o tori"ning yézishiche, "Xitay késellikning aldini élish kontrol qilish merkizi" bir doklat élan qilip, xitayda tamakining tarqilishining yenila intayin éghir ikenliki, emma xelqning tamaka cheklesh rohining ösüwatqanliqi körsetken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet