2015 - Yilliq asiya - yawrupa soda yermenkisi ürümchide échilghan

2015 - - Yilliq asiya - yawropa soda yermenkisi ürümchide bashlan'ghan. Bu yermenkige 46 dölet we rayondin kelgen jem'iy 824 karxana qatnashqan bolup, buning ichide 202 si chet'el karxanisi iken.

Tengritagh torining bu heqtiki xewiridin qarighanda, Uyghur élidin yermenkige qatnashqan karxanilar asasliq yéza igilik mehsulatliri, toqumichiliq, ünche - merwayit, qashtéshi qol hüner buyumliri, kiyim - kéchek saheliride körgezmigen qatnashqan. Xewerde, yermenkige Uyghur élidin qatnashqan karxanilarning nisbiti örlep 51 pirsentke yetti, déyilgen, emma bu karxanilarning qanchilikining yerlik xelqlerge a'iـtliqi éniq emes.

Xitay da'iriliri yermenkining Uyghur éli üchün zor iqtisadiy ünüm yaritidighanliqini ilgiri süridu, emma chet'ellerdiki mutexessiler bu yermenkining Uyghur éli iqtisadini yuqiri kötürüsh üchün emes, xitayning yawro - asiyagha échilish istratégiyisini ishqa ashurush üchün xizmet qilidighanliqini bildürmekte.