Xitay tetqiqatchiliri qeshqer-gwadar karidorining amanliqini shexsi shirketlerge kötürüp bérishni tewsiye qildi

Muxbirimiz erkin
2016-12-30
Share

Yéqinda, xitayning bir tetqiqat orni doklat teyyarlap, qeshqer -gwadar iqtisadi karidorini qoghdashni xitay shexsi bixeterlik shirketlirige hawale qilishni otturigha qoyghan. Bu doklat xitay "Xelq uniwérsitéti"ning chungyang instituti bilen "Seyjing" zhurnili teripidin teyyarlan'ghan.

Doklatta, qeshqer -gwadar iqtisadi karidori qurulushigha qatnishidighan shirketler bixeterlik mesilisini özi hel qilish tewsiye qilin'ghan. Qeshqer-gwadar iqtisadi karidori xitayning "Bir liniye bir belwagh" pilanidiki halqiliq qurulushlarning biri. Xitay hökümiti qeshqer bilen pakistanning gwadar portini hawa, tash yol, tömür yol arqiliq tutashturidighan bu qurulushqa 46 milyard dollar meblegh sélishqa weqe qilghan. Emma bixeterlik mesilisi xitayni izchil endishige sélip kelgen.

Bu qurulush Uyghur teshkilatlirining qarshiliqigha uchrapla qalmay, pakistanning baltistan-gilgit we balujistan öktichilirining qattiq qarshiliqini qozghighan. Balujistan rayonida xitay ishchi we inzhénirlar balujistan qoralliq öktichilirining hujum nishanigha aylinip qalghan idi.

Yéqinda yawropa parlaméntida ötküzülgen guwahliq bérish yighinida, baltistan -gilgitliq pa'aliyetchiler, bu qurulush baltistan-gilgit xelqining kishilik hoquqi we muhitigha éghir buzghunchiliq qiliwatqanliqini ilgiri sürgen.

Uyghur kishilik hoquq pa'aliyetchilirining qeyt qilishiche, bu karidorni qoghdash xitay shexsi bixeterlik shirketlirige kötürüp bérilse, bu kishilik hoquq we xelq'ara ölchemlerning téximu éghir buzghunchiliqqa uchrishini keltürüp chiqiridiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet