Үрүмчидә "җуңхуа милләтлири еңини мустәһкәмләш" бойичә аяллар бирләшмиси хизмәт йиғини өткүзүлгән

Мухбиримиз җәвлан
2021-09-15
Share

Хитай шинхуа ториниң хәвәр қилишичә, 9-айниң 13-күни уйғур аптоном районлуқ аяллар бирләшмиси мәзкур бирләшминиң ролини күчәйтип, "җуңхуа милләтлири еңини мустәһкәмләш" хизмитини пухта елип бериш үчүш, "өгиниш, ойлиниш, синақ қилиш, тәсират елиш" лексийә паалийити өткүзгән.

Бу паалийәттә ақсу учтурпан наһийә имамлирим йеза базарлиқ дөләт тили башланғуч мәктипиниң мудири, қизил актиплиқи билән тонулған "мунәввәр партийә әзаси" вә "әмгәк нәмуничиси" қурбан нияз "хитай мәдәнийитини аилиләргичә елип кириш" темисида нәқ мәйдан лексийәси бәргән.

Уйғур аптоном районлуқ аяллар бирләшмиси парткоминиң секритари ваң лишия бу паалийәткә қатнишип, "җуңхуа милләтлири еңини мустәһкәмләшни чоң вә системилиқ бир қурулуш дәп билип, һәр милләт аяллирини хитайлар билән шәрәптиму номустиму, һаяттиму маматтиму биллә болидиған, тәқдирдаш кишиләрдин қилиш керәк; аялларниң аилә вә җәмийәттики алаһидә ролини җари қилдуруп, йеңи дәврдики аяллар вә балилар тәрбийәси хизмитини илгири сүрүш керәк" дәп тәкитлигән.

Көзәткүчиләрниң билдүрүшичә, хитай һөкүмитиниң аталмиш "җуңхуа мәдәнийити" арқилиқ "шинҗаңни озуқландуруш" қурулуши аилиләргичә сиңип кириватқан болуп, түрмә яки лагерларға соланған түркүмдики әрләр түрмидә меңә ююш зулумиға учраватқан болса, сиртта қалған аяллар билән балилар хитайлаштуруш идийә қурулушиниң асаслиқ нишанға айлинип қалған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт