Uyghur boks mahirliri yéngi netijilerni yaratti

Muxbirimiz eziz
2018-04-10
Share

Xitaydiki xeynen ölkiside 8-aprél axirlashqan "2018-Yilliq memliketlik erler boks lewhe talishish musabiqisi" da Uyghur mahirlar yene bir qétim öz talantini jari qildurup, yaxshi netijilerni qolgha keltürdi.

Uyghurlar diyaridiki boks saheside közge körün'gen mahirlardin memettursun chong bu qétimqi musabiqide 69 kilogramliqlar derijisi boyiche chémpiyonluqni alghan. Ehmet muhemmet 91 kilogramliqlar derijisi boyiche kümüsh médalgha érishken. Toxti chong molla, adil éli, erdewlet meylenbék qatarliqlar mis médalgha érishken.

Melum bolushiche, bu qétimqi musabiqide chémpiyonluqni qolgha keltürgen memettursun chong mushu arqiliq bu yil awghustta hindonéziyening jakarta shehiride ötküzülidighan 2018-yilliq asiya tenheriket musabiqisige qatnishish salahiyitige érishken. U 2017-yili bir qétim "Xitay boks shahi" bolghan bolup, Uyghur boks mahiri abdushükür 1996-yili "Xitay boks shahi" bolghandin kéyin bu sherepke érishken yene bir Uyghur mahiri iken.

Melum bolushiche, boks türi Uyghurlar diyaridiki tenterbiye saheside kozir sanilidighan bolup, yillardin buyan Uyghur mahirlar bu türde özlirining talantini jari qildurup kelmekte. 1990-Yillarning axirliridin buyan Uyghur mahirlar köp qétim xitaydiki boks musabiqiliride altun médallargha érishken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet