Memet tursun chong ispaniyede ötküzülgen xelq'ara boks musabiqiside chémpiyon boldi

Muxbirimiz erkin
2018-05-14
Share

Ataqliq Uyghur bokschi memet tursun chong 13‏-may küni ispaniyede ötküzülgen xelq'ara boks musabiqiside reqibini yéngip chémpiyonluqqa érishken. Memet tursun chong xitay hökümiti bir qisim ataqliq Uyghur naxsha, tenterbiye cholpanlirini, muzikant, yazghuchi, edib we ziyaliy, diniy ölimalirini chet'elge chiqqanliqi seweblik tutqun qilip, "Terbiyelesh lagérliri" gha solighan yaki qamaq jazalirigha höküm qilghan bir mezgilde ispaniyediki bu musabiqige qatnashqan idi.

Bu qétimqi musabiqini ispaniye boks fédératsiyesi teshkilligen bolup, musabiqe serxiller, yashlar, ösmür yashlar we mektep yéshidikiler, dep guruppigha bölün'gen. Memet tursun chong serxiller guruppisida musabiqige qatnashqan idi.

Ispaniyening mursiya shehiride ötküzülgen musabiqige 15 döletning boks ömiki qatnashqan. Shinxu'a agéntliqining xewer qilishiche, memet tursun chong 69 kilogramliqlarning musabiqiside 4 reqibini yéngip chémpiyonluqqa érishken. Musabiqige Uyghur rayonidin yene 22 yashliq toxtarbék teletqan 75 kilogramliqlarning musabiqisige qatnashqan bolsimu, biraq 1‏-meydandila firansiyelik reqibige yéngilip qalghan.

Memet tursun chong 2008-2012-yilliridiki olimpik musabiqisige qatniship, boks saheside közge körün'gen. Xitay boks etritining trénéri abdushükür mijit xitay axbarat wasitilirige bergen uchurida, memet tursun chongning mutleq üstünlük bilen reqiblirini yenggenlikini bildürgen. Lékin, uning chet'elge chiqip, ispaniyediki musabiqige qatnishishi Uyghur kishilik hoquq teshkilatlirida endishe qozghidi.

Xitay hökümiti bu yil 2‏-ayda xitayning jyangsu suning kulubida putbol oynaydighan ataqliq Uyghur potbulchi irfan hézimjanni tutqun qilip, chöchekning dörbiljin nahiyesidiki bir "Terbiyelesh lagéri" gha solighan. Yerlik da'iriler, uning bu yil 2‏-ayda ata-anisini yoqlap dörbiljin'ge barghanda chet'elge chiqqanliqi seweblik tutqun qilin'ghanliqini bildürgen. Igilishimizche, u suning komandisigha bilen chet'elge musabiqige qatnishish üchün barghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet