Rusiyede ötküzülgen xelq'ara boks musabiqiside Uyghur we qazaq mahirlar 32 küchlük mahir qatarigha kirgen

Muxbirimiz erkin
2019-09-16
Élxet
Pikir
Share
Print

Rusiyening yékatérinburg shehiride ötküzülüwatqan 20‏-nöwetlik xelq'ara boks musabiqiside Uyghur we qazaq mahirlar reqiblirini yéngip, 32 küchlük mahir qatarigha kirgen.

Taratqularning ilgiri sürüshiche, Uyghur, qazaq mahirlirining 21‏-séntebir küni axirlishidighan musabiqide zor netije qazinishigha ümid bilen qaralmaqtiken. Bu qétimqi musabiqige Uyghur aptonom rayonidin ikki Uyghur, ikki qazaq bolup 4 boks mahiri qatnashqan. Uningda muhemmet tursun chong 69 kilogramliqlar, toxtarbék talatqan 77 kilogramliqlar, abduréshit réhimmolla 91 kilogramliqlar, bayquzi danabék 91 kilogramliqlardin yuqiri derijilikler türliride musabiqige chüshken. Xitay taratqulirining bildürüshiche, ötken heptidiki musabiqilerde toxtarbék talatqan 77 kilogramliqlarda shotlandiyelik reqibini, abduréshit réhimmolla bilen muhemmet tursun 91 we 69 kilogramliqlarda misirliq reqibini yenggen.

Bu qétimqi musabiqige xitaydin 8 bokschi qatnashqan bolup, Uyghur we qazaqlar xitay boks komandisining yérimini teshkil qilghan. Xitay taratqulirida bu nöwetlik dunya boks musabiqisige Uyghur aptonom rayonidin eng köp bokschi qatnashqan musabiqe bolghanliqi ilgiri sürülgen. Xitay hökümiti 2 milyondek Uyghur, qazaq we bashqa musulmanlarni yighiwélish lagérlirigha qamap, dunyaning qattiq tenqidige uchrawatqan bir mezgilde 4 mahirning yuqiriqi utuqni qazinishi diqqet qozghimaqta.

Xitaydiki "Suxu tori" ning xewer qilishiche, muhemmet tursun chong 16‏-séntebir küni olimpik chémpiyoni, kubaliq bokschi juli'u sézar lakruz bilen musabiqige chüshidiken. 8‏-Séntebir küni bashlan'ghan bu nöwetlik boks musabiqisige 78 dölet we rayondin 450 tek bokschi qatnashmaqta.

Toluq bet