Chén chwen'go Uyghur diyaridiki meschit we diniy pa'aliyetlerni qattiq bashqurushni telep qilghan

Muxbirimiz qutlan
2016.10.03

Igilinishiche, 2-öktebir küni Uyghur aptonom rayonluq da'iriler meschit we diniy pa'aliyetlerni bashqurush xizmiti boyiche mexsus yighin achqan.

Tengritagh torining bu heqtiki xewirige qarighanda, mezkur yighinda chén chwen'go söz qilip, Uyghur aptonom rayonidiki meschit we diniy pa'aliyetlerni bashqurushni yenimu kücheytish heqqide körsetme bergen.

Yighinda munasiwetlik organlarning meschit we diniy pa'aliyetlerni qattiq bashqurush boyiche yéngi sistéma yaritishi tekitlen'gen shundaqla din bilen sotsiyalizm jem'iyitini maslashturush telep qilin'ghan.

Yighinda yene atalmish “Wetenperwer diniy zatlar” ning turmush shara'iti, diniy xizmet shara'iti, dawalinish we sughurta shara'iti shundaqla hayatiy bixeterlikige zor küch bilen kapaletlik qilish tekitlen'gen. Ularning ichidin “Milletler ittipaqi boyiche nemunilik shexs we kolléktip”, “Beshte yaxshi meschit” we “Beshte yaxshi wetenperwer diniy zat” larni tallap chiqip, hökümetning yuqiri teminatidin behrimen qilish otturigha qoyulghan.

Közetküchiler, da'irilerning bu xil chektin ashqan kontrolluqi Uyghur élidiki xelqning diniy étiqadigha küchlük bésim peyda qilipla qalmastin, belki yene islam dinining özige xas qa'ide-prinsiplirighimu dexli-teruz élip kélidu, dep qarimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.