Уйғур диярида бир киши қуш зукимидин өлгән

Мухбиримиз үмидвар
2017.07.09
Share on WhatsApp
Share on WhatsApp

Хитайда қуш зукими вирусиниң тарқилиш әһвали учур васитилиридә давамлиқ хәвәр қилиниватқанда, уйғур диярида бир кишиниң мәзкур вирус билән юқумлинип өлгәнлики рәсми билдүрүлгән.

Радиомиз хитай тили бөлүминиң хәвәр қилишичә, хитай дөләтлик сәһийә вә пиланлиқ туғут комитети 7-июл күни 35 яшлиқ бир кишиниң өткән айниң 23-күни қуш зукими кесилигә гириптар болғанлиқи вә бир һәптидин кейин, йәни 30-июн күни өлгәнлики, униңға бекитилгән диагнозниң қуш зукими, йәни “һ7н9” намлиқ вирус икәнликини рәсими ашкарилиған. Мәзкур киши базарда тоху өлтүрүп сетиш содиси билән шуғуллинидикән.Хитай сәһийә тармақлири 6-айда хитайда бу хил вирус билән 10 адәм юқумлинип, икки кишиниң өлгәнликини елан қилған иди.

Уйғур диярида қуш зукими билән юқумлиниш әһвали һәққидә ениқ учурлар йоқ, әмма бу қетим уйғур районида бир кишиниң мәзкур вирустин өлүшидин, бу районда мундақ кесәллик вирусиниң тарқилишиниң алдини елиш чарилириниң җиддий күн тәртиптә болуши лазимлиқи билдүрүлмәктә.

Көп көрүлгән хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.