Nesret gheni: "Ötken yili 12-ayda bash ministir boris jonson hökümetning Uyghur mesilisini 'aldinqi orun'gha' qoyidighanliqini bildürgen"

Muxbirimiz jewlan
2021-02-15
Share

En'gliye bash ministiri boris jonson "Yehudiy xewerliri" géziti, en'gliye parlamént ezasi nusret gheni we en'gliye yehudiylar teshkilati "Réné kassin" gha jawab xet yézip, hökümetning Uyghur mesilisini "Aldinqi orun'gha" qoyidighanliqini bildürgen. "Yehudiy xewerliri" gézitining bildürüshiche, boris jonson xétide ularning "Shinjang weziyitidin qattiq endishe qilishi" gha ortaqlishidighanliqi bildürgen.

En'gliyening xitayni jawabkarliqqa tartishta yétekchilik rol oynap kelgen "Yehudiy xewerliri" géziti "Réné kassin" teshkilati bilen birliship boris jonson'gha xet yazghan. Ularning xéti en'gliye yehudiy wekilliri komitéti we 50 tek parlamént ezasining qollishigha érishkenidi. "Yehudiy xewerliri" ning bildürüshiche, boris jonson bu jawab xetni parlamént ezasi nusret ghenige buningdin bir ay awwal yazghan bolsimu, biraq bu xet ötken hepte élan qilin'ghan. Boris jonson hökümiti ötken hepte en'gliye parlaméntining awam palatasida soda qanunining irqiy qirghinchiliq toghrisidiki tüzitish layihesining maqullinishigha tosqunluq qilghan.

Mezkur qanun layiheside Uyghurlarning en'gliye aliy sotigha erz qilip, xitayning irqiy qirghinchiliq yürgüzüwatqanliqigha höküm chiqirishni telep qilishigha yol qoyulghan. "Yehudiy xewerliri" de éytilishiche, boris jonson jawab xétide؛ "Shuninggha kapaletlik qiliniduki, shinjang weziyiti yenila bu hökümetning aldinqi wezipisi. Biz bu rayonda yüz bergen éghir we qorqunchluq kishilik hoquq depsendichilikige taqabil turushta dawamliq heriket qollinimiz" dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet