"Uyghur emgek küchliri" torda sétish hélihem dawam qilmaqta

Muxbirimiz eziz
2021-04-16
Share

Xitay hökümiti Uyghur diyaridiki mejburiy emgek hadisisini izchil inkar qiliwatqan bolup, xitay ölkiliridiki zawutlarda ishlewatqan erzan bahaliq Uyghur ishchilirini "Uyghurlarning ishqa orunlashturup bay qilishtiki bir muhim qedem" dep teshwiq qilip kelgen idi. "Asman xewerliri" torining shendong ölkisidiki neq meydan tekshürüshliri xitay hökümitining bu mesilidiki yalghanchiliqini yene bir qétim pash qildi.

Muxbirlar torlardiki "Uyghur emgek küchliri ambiri" da élan qiliniwatqan Uyghurlar heqqidiki élanni bergen kishiler bilen alaqilashqan hemde bu Uyghurlarning xitay ölkiliridiki zawutlargha yollinidighanliqidin xewerdar bolghan. Shuningdek ularning zawutlargha ishqa chüshüshtin burun siyasiy jehettin tekshürilidighanliqini bilgen. Emma ular shendongdiki zawutlargha bérip körgende bu orunlarning "Yérim herbiyche" tüs alghan hemde hemmila jaygha közitish aparatliri, saqchilarning qarawulluqi orunlashqan muhitta xizmet qilidighanliqini bilgen. Emma zawut xojayini muxbirlargha "Bizning bu zawutta Uyghurlar yoq" dep turiwalghan. Halbuki mezkur zawutning tor bétide yéqinda bir türküm ‍uyghur ishchilarning ishqa chüshkenliki éytilghan.

En'gliyediki Uyghur pa'aliyetchilerdin rehime mehmud bu toghrisida söz qilip "Uyghur qirghinchiliqining bir ipadisi nöwette Uyghurlarni xitay zawutlirida erzan bahaliq mejburiy emgek küchlirige aylandurushta eks etmekte. Bu del xitay hökümiti özliri jakarlighan 'Uyghurlarning yiltizini késip tashlash' herkitining emiliy ijra bolushidur," dédi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet