Amérikadiki xitay oqughuchi: "Uyghurlar erkin qoyuwétilse, xitay xelqining xatirjemliki buzulidu"

Muxbirimiz shöhret hoshur
2019-03-07
Élxet
Pikir
Share
Print

Amérikadiki washin'giton döletlik oniwérsitétining tor bétide xewer qilinishiche, ötken ayning 28‏-küni 5 neper Uyghurshunas mezkur oniwérsitét uyushturghan Uyghur weziyiti heqqidiki bir muhakime yighinigha qatniship pikir bayan qilghan.

Xewerde eskertilishiche, oqutquchi, oqughuchi we tetqiqatchilar bolup, 120 kishi qatnashqan bu yighinda ikki neper xitay oqughuchining Uyghur weziyiti heqqidiki bayanliri yighin ehlini qattiq ejeblendürgen.

Melum bolushiche, yighinning so'al-jawab qismida munazirige qétilghan ikki neper xitay oqughuchidin Uyghurlargha bir'az erkinlik bérilishning néme ziyini barliqi soralghan. Bu ikkiylen bergen jawabida Uyghurlargha köprek erkinlik bérilse xitay xelqining bixeterlikige xewp yétidighanliqi ima qilin'ghan. Xewerde déyilishiche, bu ikki oqughuchi mezkur jawabni bergendin kéyin, yighin meydanidin derhal ayrilip, ghayib bolghan.


Muhajirettiki Uyghurlar Uyghur rayonida milyonlighan insanlar xitayning yighiwélish lagérlirigha soliwélin'ghan bir weziyette Uyghur rayondiki xitay puqralirining bu weziyetke héchqandaq naraziliq bildürmeywatqanliqi, chet'eldiki xitay démokratchiliriningmu mesilige qarita inkaslirining yéterlik bolmaywatqanliqidin ejeblinip kéliwatqan idi.

Xewerde déyilishiche, bu yighinda derrén baylér, gardénér bowingdon, rachél harris, skon tayson we eziz eysa elkün qatarliq mutexessisler Uyghur weziyiti we Uyghur rayonidiki yighiwélish lagérliri heqqidiki tetqiqatlirini otturigha qoyghan.

Toluq bet