Хитай һөкүмити әрзни вақтида һәл қилишни тәшәббус қилсиму, уйғур әрздарларниң әһвали әксичә болмақта

Мухбиримиз ирадә
2016-08-18
Елхәт
Пикир
Share
Принт

Йеқинда уйғур аптоном районлуқ даириләр мәхсус «әрзийәт хизмити түзүм ислаһатини чоңқурлаштуруш» йиғини чақирип, уйғур елидики әрзийәт ишлириниң һәл қилиниш әһвалиға қарап чиққан.

Тәңритағ торида берилгән хәвәрдә, «өткән йили ичидә уйғур аптоном районидики әрзийәт ишлири ислаһати тәрәққий қилип, вәзийәт бир қәдәр муқим болған, ишни вақтида һәл қилиш вәзийити көрүнәрлик илгирилигән» дәп йезилған. Йиғинда йәнә қилинған әрзни чоқум һәл қилиш тәшәббус қилинған. Бирақ, өткән йил вә бу йил ичидә радиомиз алақә қилған уйғур әрздарларниң әмәлийити буниң әксини сөзлимәктә.

Радиомиз игилигән учурларда, уйғур аптоном районидики йәрлик һөкүмәтләрниң хитай өй-мүлүк ширкәтлири вә йеңидин қурулуватқан тәрәққият районлири билән ички қисимда содилишип, өз тәвәсидики йәрлик аһалиләрниң шәхсий өй ‏-җай вә земинлирини әрзан баһада сетип беришкә мәҗбурлиғанлиқи, буни рәт қилған яки базар баһасида һәқ беришни тәләп қилған бир қисим аһалиләрниң йәрлик даириләрниң зорлуқ-зумбулуқиға учриғанлиқи мәлум болған иди. Бир қисим әрздарлар өткән айда радиомизға қилған сөзидә, өзлириниң бесимға чидимай, амалсиз сүкүт қиливатқанлиқини ейтқан.

Хитай һөкүмити 2010-йили уйғур елини 19 өлкә-шәһәргә бөлүп бәргәндин кейин, нурғун хитай ширкәт-завутлири уйғур елиға киргән. Бирақ, чәтәлләрдики кишилик һоқуқ органлириниң ейтишичә, бу һалқима тәрәққият пилани уйғурларни бай қилиш әмәс, әксичә уйғурларни йәр-земинлиридин айрип, техиму намратлаштурувәткән.

Чәтәлләрдики уйғур көзәткүчиләр йәнә, 2009-йилидики 5-июл үрүмчи вәқәси мәзгилидә балилири вә йеқинлири йоқап кәткән патигүл ғуламға охшаш әрздарларниң давасиниңму һазирғичә һечқандақ нәтиҗигә еришәлмигәнликини, әксичә патигүл ғулам оғлини издигәнлики үчүн даириләр тәрипидин солап қоюлғанлиқини билдүрди.

Пикирләр (0)
Share
Толуқ бәт