Xitay hökümiti erzni waqtida hel qilishni teshebbus qilsimu, Uyghur erzdarlarning ehwali eksiche bolmaqta

Muxbirimiz irade
2016-08-18
Élxet
Pikir
Share
Print

Yéqinda Uyghur aptonom rayonluq da'iriler mexsus "Erziyet xizmiti tüzüm islahatini chongqurlashturush" yighini chaqirip, Uyghur élidiki erziyet ishlirining hel qilinish ehwaligha qarap chiqqan.

Tengritagh torida bérilgen xewerde, "Ötken yili ichide Uyghur aptonom rayonidiki erziyet ishliri islahati tereqqiy qilip, weziyet bir qeder muqim bolghan, ishni waqtida hel qilish weziyiti körünerlik ilgiriligen" dep yézilghan. Yighinda yene qilin'ghan erzni choqum hel qilish teshebbus qilin'ghan. Biraq, ötken yil we bu yil ichide radi'omiz alaqe qilghan Uyghur erzdarlarning emeliyiti buning eksini sözlimekte.

Radi'omiz igiligen uchurlarda, Uyghur aptonom rayonidiki yerlik hökümetlerning xitay öy-mülük shirketliri we yéngidin quruluwatqan tereqqiyat rayonliri bilen ichki qisimda sodiliship, öz tewesidiki yerlik ahalilerning shexsiy öy ‏-jay we zéminlirini erzan bahada sétip bérishke mejburlighanliqi, buni ret qilghan yaki bazar bahasida heq bérishni telep qilghan bir qisim ahalilerning yerlik da'irilerning zorluq-zumbuluqigha uchrighanliqi melum bolghan idi. Bir qisim erzdarlar ötken ayda radi'omizgha qilghan sözide, özlirining bésimgha chidimay, amalsiz süküt qiliwatqanliqini éytqan.

Xitay hökümiti 2010-yili Uyghur élini 19 ölke-sheherge bölüp bergendin kéyin, nurghun xitay shirket-zawutliri Uyghur éligha kirgen. Biraq, chet'ellerdiki kishilik hoquq organlirining éytishiche, bu halqima tereqqiyat pilani Uyghurlarni bay qilish emes, eksiche Uyghurlarni yer-zéminliridin ayrip, téximu namratlashturuwetken.

Chet'ellerdiki Uyghur közetküchiler yene, 2009-yilidiki 5-iyul ürümchi weqesi mezgilide baliliri we yéqinliri yoqap ketken patigül ghulamgha oxshash erzdarlarning dawasiningmu hazirghiche héchqandaq netijige érishelmigenlikini, eksiche patigül ghulam oghlini izdigenliki üchün da'iriler teripidin solap qoyulghanliqini bildürdi.

Toluq bet