Amistérdamda ötküzülgen asiya kino féstiwalida Uyghurlar témisidiki filim diqqet qozghidi

Aldinqi küni gollandiyining amistérdam shehiride ötküzülgen asiya kino féstiwalida, Uyghurlar témisida ishlen'gen bir höjjetlik filim diqqet qozghighan.

Filimining ismi "Yipek yolidiki moda éqimlar" bolup, filimde asasliqi Uyghur yashlirining naxsha-usullirini yeni sen'et hayatini tonushturush arqiliq Uyghur jem'iyitining omumi weziyiti heqqide melumatlar bérilgen.

Uyghurbiz torining gollandiye axbarat wasitilirige asasen xewer qilishiche, mezkur filim kanadaliq, shwétsariyilik we bilgiyelik 3 neper rézhissorning Uyghur rayonida élip barghan bir qatar tekshürüsh we izdinishlirining netijiside royapqa chiqqan. Filim tamashibinlarning küchlük qiziqishini qozghighan bolup, filim qoyulghan küni kinoxana zalida bosh orun qalmighan.

Xewerdin melum bolushiche, rézhissorlar Uyghur rayonidiki weziyetning jiddiyliki sewebidin kishilerning bixeterliki we filimning muweppeqiyetlik tamamlinishini nezerde tutup, filimde sen'ettin bashqa témilargha halqimasliqqa tirishqan. Xewerde mezkur filimning Uyghur kimliki we medeniyitini gherb elliride tonushturushta muhim rol oyniyalaydighanliqi bayan qilin'ghan.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar