Уйғур филими "меһри-муһәббәт" америкида әң яхши филим мукапатиға еришти

Режиссор ширзат яқупниң алтайлиқ йетим балилар баш панаһи һәнипәхан алимахунниң иш-излирини тема қилған "меһри-муһәббәт" намлиқ филими америкида өткүзүлгән "көп хил мәдәнийәтләр хәлқара филим фестивали" да бир қанчә хил мукапатқа еришкән.

Мәзкур филим тема қилинған һәнипә ханим илгири нурғун хитай, туңган, қазақ, уйғур йетим балилирини беқип чоң қилған. Униң инсанпәрвәрлик роһи хитай ахбарат васитилиридә "җуңголуқларниң аниси", "милләтләр иттипақлиқиниң үлгиси" дәп тәшвиқ қилинған.

Әмма, хитай ахбаратиниң тәшвиқати бәзи уйғур көзәткүчилириниң тәнқидигә учриған иди. Уйғур көзәткүчиләр, хитай һөкүмити вә хитай ахбарат васитилирини бир уйғур аниниң сап инсанпәрвәрлик һәрикитини суйиистемал қилип, уни өзиниң сиясий тәшвиқат мәқсити вә ассимилятсийә пилани үчүн қолланди, дәп әйиблигән.

Көзәткүчиләрниң илгири сүрүшичә, хитайниң шәхси инсанпәрвәрлик һәрикәтлирини сиясий тәшвиқатқа айландурувелиши, уйғур җәмийитидә инсанпәрвәрлик иш-излириниң тәрәққиятини боғуп кәлгән.

Ширзат яқупниң мәзкур вәқәни тема қилған филими бу қетим "әң яхши кино" дәп баһаланған.

Бу йил апрелниң башлирида өткүзүлгән фестивал лос-анҗелис шәһиридә елип берилған. Фестивалға дунядики 50 нәччә дөләт вә районниң 1200 дин артуқ кино вә сенарийә әсири қатнаштурулған. Униң ичидики талланған 50 филим риқабәткә чүшкән иди.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар