Uyghur filimi "Méhri-muhebbet" amérikida eng yaxshi filim mukapatigha érishti

Muxbirimiz erkin
2016-04-15
Share

Rézhissor shirzat yaqupning altayliq yétim balilar bash panahi henipexan alim'axunning ish-izlirini téma qilghan "Méhri-muhebbet" namliq filimi amérikida ötküzülgen "Köp xil medeniyetler xelq'ara filim féstiwali" da bir qanche xil mukapatqa érishken.

Mezkur filim téma qilin'ghan henipe xanim ilgiri nurghun xitay, tunggan, qazaq, Uyghur yétim balilirini béqip chong qilghan. Uning insanperwerlik rohi xitay axbarat wasitiliride "Junggoluqlarning anisi", "Milletler ittipaqliqining ülgisi" dep teshwiq qilin'ghan.

Emma, xitay axbaratining teshwiqati bezi Uyghur közetküchilirining tenqidige uchrighan idi. Uyghur közetküchiler, xitay hökümiti we xitay axbarat wasitilirini bir Uyghur anining sap insanperwerlik herikitini suyi'istémal qilip, uni özining siyasiy teshwiqat meqsiti we assimilyatsiye pilani üchün qollandi, dep eyibligen.

Közetküchilerning ilgiri sürüshiche, xitayning shexsi insanperwerlik heriketlirini siyasiy teshwiqatqa aylanduruwélishi, Uyghur jem'iyitide insanperwerlik ish-izlirining tereqqiyatini boghup kelgen.

Shirzat yaqupning mezkur weqeni téma qilghan filimi bu qétim "Eng yaxshi kino" dep bahalan'ghan.

Bu yil aprélning bashlirida ötküzülgen féstiwal los-anjélis shehiride élip bérilghan. Féstiwalgha dunyadiki 50 nechche dölet we rayonning 1200 din artuq kino we sénariye esiri qatnashturulghan. Uning ichidiki tallan'ghan 50 filim riqabetke chüshken idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet