Уйғур елидики булғиниш хитайдики әң булғанған районлардинму яманлишип кетидикән

Мухбиримиз җүмә
2016.06.19
Share on WhatsApp
Share on WhatsApp


Баш штаби лондонға җайлашқан бир екологийәлик муһит хәвәрләр ториниң 17 - июн көрситишичә, йеқин кәлгүсидә уйғур ели һавасидики булғиниш дәриҗиси хитайдики әң булғанған хебей өлкисиниң алдиға өтүп кетиши мумкин икән.

“хитай диалоги” ториниң дуня сәһийә тәшкилати өткән айда елан қилған хитайдики әң булғанған шәһәрләр тизимликидин нәқил елип көрситишичә, нөвәттә хитай әң булғанған 5 шәһәрниң һәммиси хебей өлкисигә җайлашқан икән.

Тор бәт хитайдики муһит мәсилилирини асаслиқ көзитиш вә хәвәр қилиш обйекти қилған болуп, улар хитайға аит муһит вә булғиниш учурлирини изчил йеңилап туриду.

Хәвәргә қариғанда, хитай даирилири 2013 - йилидин башлап бейҗиң, тйәнҗин вә хебей қатарлиқ шәһәр - районларда булғинишқа қариши йолға қойған тәдбирләр бара - бара карға келишкә башлиған болсиму, әмма хитайниң ғәрбий шималидики булғиниш дәриҗиси бу шәһәрләрниң орнини елишқа башлиған. Мәсилән нөвәттә ләнҗу шәһири булғиниш җәһәттә хебейниң бурунқи һалитигә келип қалған болса, хебейниң һава сүпити яхшилинишқа қарап йүзләнгән.

Уларниң көрситишичә, б д т сәһийә тәшкилатиниң доклати 2014 - йилидики санлиқ мәлуматларға асасән һазирланған болғачқа, доклатта униңдин кейинки өзгиришләр һәққидә мәлуматлар толуқ әмәс икән.

Хәвәрдә мундақ дейилгән: “бәзи көзәткүчиләрниң мөлчиричә, нөвәттики сүрәт бойичә хитай шәһәрлири сәһийә тәшкилатиниң тизимликидин бара - бара чүшүп қелиши мумкин. Әмма, бәзи обзорчилар агаһландурғандәк һава сүпитиниң яманлишиға әгишип хитайниң ғәрбий шималидики шинҗаң кәлгүсидики чоң риқабәткә айлинидиғандәк қилиду.”

Һалбуки хәвәргә қариғанда, хитай һөкүмити йолға қойған һава сүпитини өстүрүш вә булғинишниң алдини елиш тәдбирлири юқириқи чоң шәһәрлиригә селиштурғанда уйғур елидә хелила кәйнидә қалған.

Һәтта хитай һөкүмити 2016 - йилиниң дәсләпки чарикидә елан қилған доклаттиму үрүмчи шәһири әң булғанған шәһәр тизимниң биринчи ретидин орун алған болса, хитайниң хебей өлкисигә қарашлиқ бавтоң вә шиңтәй шәһәрлири үрүмчиниң кәйнигә тизилған.

Дуня сәһийә тәшкилатиниң өлчими бойичә һавадики зәһәрлик ушшақ зәрричиләр MP 2.5 Қиммити бойичә һесаблиниду. Униңда һәр кубметир һавада дики MP 2.5 Булғима зәрричиләр 10 микрограмдин ешип кәтмәслики, яки униңдин товән болуши керәк, дәп бәлгиләнгән.

“йешил тинчлиқ тәшкилати” 20 - апирил елан қилған доклатидиму хитайдики һава булғинишниң ғәрбий шәһәрләргә қарап көчүватқанлиқини, қәшқәр вә хотәнниң хитайдики әң булғанған шәһәрләр тизимликиниң төридин орун алғанлиқини көрсәткән.

Улар елан қилған санлиқ мәлуматта қәшқәрниң һәр кубметир һавасидики MP 2.5 Булғима зәрричиләр 276.1 Микрограм болуп, буниң алдинқи йилниң охшаш мәзгилдикидин 99 пирсәнт ашқанлиқини билдүргән иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.