Xitay da'irliri 630 Uyghur imamni tutqun qilghan

En'giliye BBC torining Uyghur kishilik hoquq qurulushi igiligen melumatqa asasen bergen xewirige qarighanda, xitay da'iriliri 2014-yildin buyan Uyghur rayonida keng kölemlik basturush élip bérip, az dégende 630 imam we diniy zatlarni tutqun qilghan bolup, bularning ichide 18 kishi tutqun mezgilide ölüp ketken. Tutqun qilin'ghan imamlarning köpinchisi “Esebiylik tarqatqan”, “Adem yighip jem'iyet tertipini buzghan”, “Bölgünchilikke küshkürtken” dégendek qalpaqlar bilen eyblen'gen. Emeliyette bu kishilerdin beziliri diniy tebligh qilip qoyghan, jama'et sorunlirida du'a qilghan yaki resmiy imamlarning ornida imamliq qilip qoyghan kishiler iken.

Birleshken döletler teshkilati kishilik hoquq aliy mutexesisliri ishxanisi 1046 musulman zatning teqdirige köngül bölüwatqan bolup, bularning mutleq köp qismi Uyghurlar iken. Igilen'gen uchurlargha asaslan'ghanda,  tutulghan 630 imam ichide 304 nepiri türmige tashlan'ghan. Xitayda xalighanche qamaq jazasi bérish nahayiti éghir bolup, bulardin 96 pirsent kishi 5 yildin yuqiri qamaq jazasigha, 26 pirsent kishi 20 yildin yuqiri qamaq jazasigha, 14 kishi muddetsiz qamaq jazasigha höküm qilin'ghan.