Хитай һөкүмити икки уйғур әмәлдарни иқрар қилдуруш арқилиқ уйғур районидики сияситиниң тоғра икәнликини тәшвиқ қилған

Мухбиримиз җәвлан
2021-04-07
Share

Хитай һөкүмити уйғур аптоном районлуқ маарип назаритиниң сабиқ назири саттар савут билән әдлийә назаритиниң сабиқ назири ширзат бавудунни "бөлгүнчилик җинайити" билән әйибләп, икки йил кечиктүрүп иҗра қилинидиған өлүм җазасиға һөкүм қилғаниди. Хитайниң қануни бойичә, бундақ җинайәтчиләрниң икки йил ичидә ипадиси яхши болса җазаси йәңгилләп, муддәтсиз қамаққа һөкүм қилинидиғанлиқи мәлум.

"америка агентлиқи" ториниң 7-апрел бәргән хәвиридин мәлум болушичә, хитай һөкүмити ирқий қирғинчилиқ җинайити билән әйибләнгәндин кейин, бу икки әмәлдарни қайта көтүрүп чиқип, уларни "вәтәнни парчилашқа урунғанлиқи" һәққидә иқрар қилдуруп, пүтүн җаһанға сазайи қилиш арқилиқ уйғур районидики бастуруш сияситини ақлимақчи болған.

Хитай таратқулириниң тәшвиқ қилишичә, саттар савут "миллий бөлгүнчилик еңи пәйда қилидиған" дәрслик китаб түзүшкә йетәкчилик қилған вә бу китаблар уйғурларни "13 йил зәһәрлигән". Ширзат бавудун болса "шәрқий түркистан ислам һәрикити" билән алақә орнатқан, йәрлик диний әсәбий күчләргә ярдәм бәргән. Буларниң һәр иккиси өз һоқуқидин пайдилинип, идийә вә һәрикәттә миллий бөлгүнчилик билән шуғулланған хәтәрлик унсурлар икән.

Көзәтчиләрниң қаришичә, хитай һөкүмити бу икки уйғур әмәлдарни бир қоллуқ тәрбийәләп йетиштүргән болуп, уларниң хитай һөкүмитиниң сизиқидин чиқмай туруп ундақ ишларни қилалиши мумкин әмәс икән. Көзәткүчиләрниң қаришичә, хитай коммунист һөкүмити еһтияҗи болғанда улардин пайдилинидикән, еһтияҗи түгигәндә уларни өз мәнпәәти үчүн қурбанлиқ қилидикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт