En'giliyelik Uyghurshunas réychél harrésning “Uyghur ‍islamining awazliq körünüshliri” namliq kitabi “Britaniye étno-muzikashunasliq mukapati” gha érishken

Muxbirimiz erkin
2022.06.17
Share on WhatsApp
Share on WhatsApp

En'giliyelik Uyghurshunas, étnik muzika tetqiqatchisi, london uniwérsitéti sherqshunasliq we afriqa tetqiqat inistitutining proféssori réychél harrésning “Uyghur ‍islamining awazliq körünüshliri” namliq kitabi “Britaniye étno-muzikashunasliq munbiri mukapati” gha érishken. Bu orunning 16-iyun élan qilghan bu heqtiki uqturushida, “Biz réychél harrésning 2020-yili neshr qilin'ghan ‛Uyghur islamining awazliq körünüshliri‚ namiq kitabining 2022-yilliq ‛britaniye étno-muzikashunasliq munbiri mukapati‚ gha érishkenlikini xoshalliq ilkide élan qiliduq,” déyilgen.

Mezkur orunning uqturushida éytishiliche, “Xitayning gherbiy-shimalidiki weziyiti nahayiti keskin bolghan shinjang Uyghur aptonom rayonining ichi we sirtidiki sofizm éqimidiki musulmanlarni chiqish nuqtisi qilghan bu kitap, köp qatlamliq, xétérofonik, yeni ikki yaki uningdin artuq awaz bilen yekke mélodiyede musteqil özgirish hem maslishish hasil qilidighan awaz menzirilirining köp qirliq étnografiyesige wekillik qilidiken”.

Uqturushta yene aptorning “Jesurliq bilen del waqtida inchike közitish élip bérip, awaz özgirishi, sobyéktipliq, wekillik xaraktér we küch toghrisidiki mol étno-muzikashunasliq tetqiqatini tarix, siyaset we din bilen mujessemlüshtürgenliki” tekitlen'gen.

Proféssor réychél harrésning Uyghur sofizimliq muzika sen'iti we edebiyatigha béghishlan'ghan bu kitabi, yuqiri qurulmiliq halette mundaq töt mesilini asasliq nuqta qilghan, yeni hikmet éytish, qur'an tilawet qilish, tawushlarning chek-chégrasi we eserlerning dewriy aylinishini asas qilghan. Melum bolushiche, bu kitap proféssor harrésning Uyghur rayoni, qazaqistan we muhajirettiki Uyghur topluqliri arisida élip barghan uzun yilliq tekshürüsh hem tetqiqatning netijisi bolup, 2020-yili amérikadiki indiyana uniwérsitéti neshriyati teripidin neshr qilin'ghan iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet