Уйғур аптоном районлуқ һөкүмәтниң сабиқ муавин рәиси парихорлуқ җинайити билән тутулған

Мухбиримиз җәвлан
2020-12-16
Share

Хитай таратқулириниң 16-декабир елан қилишичә, уйғур аптоном районлуқ һөкүмәтниң сабиқ муавин рәиси рен хуа (аял) 15 күн аввал хитай алий тәптиш мәһкимиси тәрипидин қолға елинған. Тәптиш мәһкимисиниң әйбнамисидә рен хуаниң парихорлуққа четишлиқ җинайити барлиқи, барлиқ мал-мүлкиниң тоңлитилғанлиқи билдүрүлгән. У муавин рәис болған мәзгилидә аптоном районниң тәшвиқат ишлириға мәсул болған болуп, әйбнамидә көрситилишичә, у пара елиштин башқа йәнә, хурапий паалийәтләрни елип бериш җинайити өткүзгән, әмма хәвәрләрдә бу паалийәтниң немә икәнлики һәққидә учур берилмигән.

Хитай һөкүмитиниң 15-декабир мәркизий интизам тәкшүрүш комитети тор бетидә елан қилишичә, уйғур аптоном районлуқ қизил кирест җәмийитиниң муавин назарәтчиси һәсәнҗан мәһәммәт "интизамға хилаплиқ қилиш" җинайити билән әйблинип тутулған.

Көзәтчиләрниң қаришичә, хитай әмәлдарлири ичидә пара йемәйдиған әмәлдар йоқ. Парихорлуқ җинайити билән тутулғанлири пәқәт хитай әмәлдарлири оттурисидики сиясий күрәшниң қурбанлири. "интизамға хилаплиқ қилди" дегән қалпақ билән тутулған уйғур әмәлдарлири болса хитайниң дегән йеридин чиқмиған, милләткә хизмәт қилиш еңи юқири кишиләр болуши мумкин икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт