D u q ning piragadiki 7-nöwetlik qurultiyi bilen bir waqitta “Chéxiye Uyghur künliri” pa'aliyiti ötküzülidu

Dunya Uyghur qurultiyi 8-noyabir bayanat élan qilip, özining chéxiye paytexti piragada ötküzülidighan 7-nöwetlik qurultiyining küntertipini élan qilghan. Melum bolushiche, qurultay bilen bir waqitta “Chéxiye Uyghur künliri” ni öz ichige alghan bir qatar pa'aliyetler ötküzülidiken. Bayanatta, bu pa'aliyetlerning ilmiy muhakime yighini, kitab yermenkisi, körgezme, ammiwi munazire, yashlarni terbiyelesh kursi, Uyghurlargha a'it höjjetlik filim qoyush qatarliq shekillerde élip bérilidighanliqi tekitlen'gen.

12-Noyabirdin 14-noyabirghiche ötküzülidighan bu nöwetlik qurultayda 25 dölettin kelgen 200 din artuq wekil d u q ning 32 kishilik yéngi rehberlik hey'itini saylap chiqidu. Bayanatta, qurultayda démokratik ölchemlerge emel qilinishi üchün qurultayning musteqil közetküchiler teripidin nazaret qilinidighanliqi tekitlen'gen. Melum bolushiche, 11-noyabir kechlik qarshi élish ziyapiti, kitab yermenkisi, Uyghur krizisigha a'it körgezmisi bolup, 12-noyabir “Uyghur heqliri: jawabkarliqqa tartishning yolliri” namliq ilmiy muhakime yighini ötküzülidiken.

Bayanatta yene “Chéxiye Uyghur künliri” pa'aliyitining xaybérinska lagérida lagér shahiti ömer bék'ali bilen bolidighan ammiwi munazire, “Shi jinping dewridiki shinjang siyasiti: tesiri we ijra'ati”” namliq muhakime yighini, jorji washin'gton uniwérsitétidiki doktor shon robértsning “Uyghurlargha qarshi urush: térorrluqqa qarshi turush namidiki medeniyet qirghinchiliqi” namliq kitabi toghrisidiki söhbet, “Hedemni izdep” namliq höjjetlik filim qoyush qatarliq pa'aliyetlerni öz ichige alidighanliqi tekitlen'gen.