Uyghur rayonidin teshkillen'gen medeniyet ömiki yawropadin qaytti

Muxbirimiz eziz
2016.05.31
Share on WhatsApp
Share on WhatsApp

Shinxu'a agéntliqining 30-maydiki xewirige asaslan'ghanda, Uyghurlar rayonidin teshkilligen medeniyet ömiki firansiye we gérmaniyede bir qatar léksiye pa'aliyetlirini tamamlap, shu küni béyjinggha qaytqan.

Xitay dölet ishliri mehkimisi qarmiqidiki insan heqliri ishxanisining mu'awin mudiri xu'ang jünshyen bashlap barghan bu ömek bir heptilik léksiye jeryanida firansiyening parizh we strasborg sheherliride, gérmaniyening bérlin we myunxén sheherliride nuqtiliq qilip Uyghurlar diyarida xitay kompartiyisi höküm sürgen mezgilde qandaq zor özgirishler barliqqa kelgenlikini yawropa jama'itige teshwiq qilghan.

Xu'ang jünshyen bu heqte toxtilip, “Biz bu jeryanda firansiye we gérmaniyediki alaqidar organlar we shexslerning Uyghurlar rayoni heqqidiki chüshenchiside müjmel boluwatqan bezi tereplirini yorutup bérishke tirishtuq” dégen.
Dunya Uyghur qurultiyining bayanatchisi dilshat rishit bu munasiwet bilen radiyomiz xitay bölümining ziyaritini qobul qilip, “Xitay hökümiti mushu xildiki medeniyet ömekliridin paydilinip özlirining Uyghurlarni basturuwatqanliqini aqlimaqchi, shundaqla Uyghurlarning xitaygha qarshi chiqishidiki heqiqiy seweblerni burmilimaqchi” dégen.

Dilshat rishitning éytishiche, mezkur ömekning myunxénni léksiye bérish nuqtilirining biri qilip tallishidiki asasliq seweb del “Dunya Uyghur qurultiyi” ning bash orgini myunxén shehiride bolghanliqi iken. Chünki léksiye bergüchilerning öz nutuqlirida d u q ni asasliq hujum nishani qilghanliqi yerlik metbu'atlarda orun alghanliqi melum.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.