LIGB Yighinida Uyghur rayonidiki yighiwélish lagérlirining "Bir yol bir belbagh" bilen alaqisi otturigha qoyulghan

Muxbirimiz shöhret hoshur
2019-04-03
Élxet
Pikir
Share
Print

Londondiki LIGB , yeni "Xelq'ara erkinlik-britaniye shöbisi" ning tor bétidin melum bolushiche, 2‏-april küni mezkur teshkilat teripidin "Xitay we Uyghur mesilisi" dégen témida muhakime yighini échilghan.


Yighinda rayonning ötmüshi we bügüni heqqide melumatlar sunulghan. Melum bolushiche, yighinda Uyghur rayonining xitayning ching sulalisi dewridin tartip, peqet xitay hakimiyiti küchlen'gen mezgillardila xitaygha béqinip we bashqurulup kelgenliki eskertilgen. Rayondiki axirqi istilaning xitay kompartiyesi hakimiyet béshigha chiqqandin kéyin bashlan'ghanliqi tilgha élin'ghan bu yighinda 1950 yillardin kéyin rayon'gha keng kölemde pilanliq nopus yötkesh élip bérilip, Uyghurlarning rayondiki nopus üstünlikining buzulghanliqi tekitlen'gen.


Yighinda yene éghir  zulum sewebidin rayonda üzlüksiz naraziliq namayishliri we isyanlar kötörülgenliki, buning ichide bezi qarshiliq heriketlirining zorwanliq tüside dawam qilghanliqi, xitayning buni bahane qilip turup, "Muqimliq" tedbirliri süptide yighiwélish lagérliri tesis qilghanliqi we bu lagérlarda 250 ming bilen 2 milyon ariliqidiki kishilerning solan'ghanliqi tilgha élin'ghan. Lagérlarning "Térorluqqa qarshi turush" nami astida qurulghanliqi, emeliyette buning shi jinpingning "Bir yol bir belbagh" pilanini ongshuluq emelge ashurush üchün tesis qilin'ghanliqi, bu lagérlarda tutqunlarni diniy étiqadtin uzaqlashturush we kompartiyege medhiye oqushqa mejburlawatqanliqi otturigha qoyulghan. Tordiki mezkur yighin uqturushidin melum bolushiche, bu yighinda rachél harris, rehime mexmut qatarliq besh neper mutexessis we pa'aliyetchi söz qilghan.


Toluq bet