Amal klonéy Uyghurlarni depsende qilishqa qatnashqan shirket we shexslerni jawabkarliqqa tartishni telep qilghan

Muxbirimiz erkin
2020-05-15
Élxet
Pikir
Share
Print

Amérikaliq kishilik hoquq adwokati, ataqliq kino cholpini jorji klonéyning ayali amal klonéy 15-may küni awstraliye parlaméntida guwahliq bérip, awstraliyening qanun chiqirip, Uyghurlarning kishilik hoquqni depsende qilishqa qatnishiwatqan shirket we shexslerni jawabkarliqqa tartishni telep qilghan. Uning tekitlishiche, awstraliye özining magnitiskiy kishilik hoquq qanunini maqullap, kishilik hoquq küshendilirige taqabil turushi kérek iken.

"Sidnéy etigenlik xewerchisi" gézitining xewer qilishiche, amal klonéy awstraliye parlaméntigha widéyo arqiliq bergen guwahliq sözide, "Awstraliye hökümitining kishilik hoquqni depsende qilishqa chétishliq barliq shirketlerni nishan'gha élishi, bu, xitay hökümitining shinjangdiki bir yérim milyondek Uyghur qamalghan yighiwélish lagérlirinimu öz ichige élishi kérekliki" ni tekitligen.

U shirketlerning ishning jiddiyitige qarap heriket qilidighanliqi, nöwette ularning kishilik hoquq depsendichilikige chétilishini tosidighan yéterlik cheklesh tedbirining yoqluqini bildürüp؛ "Chiqirilghusi qanunda awstraliye hökümitining shinjangdiki kishilik hoquq depsendichilikige chétishliq shirket we shexslerni jawabkarliqqa tartishigha yol qoyulsa, buning ijabiy roli bolidu" dégen. Melum bolushiche, nöwette awstraliye hökümiti amérikadin ülge élip, shuningkige oxshash bir qanun chiqirish heqqide pikir élishni bashliwetken.

Toluq bet