"Xaffington pochtisi" géziti amérika hökümiti xitaygha yene tedbir qollanmisa, téximu köp Uyghurning lagérlargha kiridighanliqini agahlandurdi

Muxbirimiz erkin
2019-05-17
Élxet
Pikir
Share
Print

Amérikadiki "Xaffington pochtisi" géziti 16‏-may maqale élan qilip, eger tramp hökümiti xitayning Uyghurlarni depsende qilishigha qarshi yene dawamliq tedbir qollanmisa, téximu köp Uyghurning lagérlargha qamilishi mumkinlikini agahlandurghan. "Tramp we xitay: yighiwélish lagéridiki bir milyon Uyghur qandaq boldi?" serlewhilik maqalide prézidéntning mezkur mesilide özining émbargo küchini ishletmigenliki yaki mutexessisler "Étnik qirghinchiliq" dep teriplewatqan bu krizisni tilgha élip qoymighanliqi tenqidlen'gen

Maqalide ilgiri sürilishiche, mezkur mesilini mu'awin prézidént mayk pens, tashqi ishlar ministirliqi we dölet mudapi'e minisitirliqi tenqid qilghan bolsimu, lékin prézidént trampning soda söhbiti jeryanida buninggha süküt qilishi, uninggha héchqandaq heriket qollanmasliqi uning bu qorqunchluq basturushni xitay bilen bolghan majradiki merkizi mesile, dep qarimaydighanliqini ipadileydiken. Lékin maqalide, hökümetning xitaygha qarita yene dawamliq heriket qollanmasliqi kishilik hoquqni depsende qilghuchi xitay emeldarlirigha téximu xata signal béridighanliqi bildürülgen.

Maqalide ilgiri sürülüshiche, nöwette amérika dölet mudapi'e ministirliqi lagérdiki tutqunlarning 3 milyon'gha yéqinlashqanliqini otturigha qoyghan bolup, hökümetning heriket qollinishta kéchikishi yene milyonlighan kishining lagérlargha kirishini keltürüp chiqirishi mumkin iken. Maqalide amérikadiki Uyghur pa'aliyetchi roshen abasning sözi neqil keltürülgen bolup, u "Bu mesilide xitay amérikani yene süküt qilishqa mehkum qilsa, ular utqan bolidu" dégen. U "Xaffington pochtisi" gézitige yene: "Bügün Uyghur xelqi duch kéliwatqan mesile söz erkinliki, ipade erkinliki yaki diniy erkinliktin halqip ketti. Bu yerdiki mesile insanliqqa qarshi turush jinayiti, hayat qélish mesilisidur" dégen. Nöwette tramp hökümiti xitayni jazalash heqqide küchlük bésimgha uchrawatqan bolsimu, lékin ular "Jaza tedbirlirini ijra qilishqa muwapiq qanuniy asas bar-yoqluqini mu'eyyenleshtürüshke waqit kétidighanliqi" ni bildürmekte.

Toluq bet