"Iqtisadshunas" géziti: "Xitay hökümiti Uyghurlarni qandaq éziwatidu?"

Muxbirimiz sada
2019-07-10
Élxet
Pikir
Share
Print

Yéqinda en'gliyede chiqidighan "Iqtisadshunas" géziti Uyghur diyaridiki nazaret qattiq sistémisi we xitay hökümitining Uyghurlargha qaratqan éghir basturushliri tepsiliy tonushturulghan bir widiyoluq xewer tarqatqan.

Mezkur gézitning 9-iyuldiki sanigha bésilghan bu widiyoluq xewerde rayondiki Uyghurlarning xitay hökümiti teripidin sistémiliq halda tutqun qiliniwatqanliqi, hökümetning dunyadiki eng tereqqiy qilghan we kölemleshken nazaret sistémisi arqiliq rayonni bir chong "Saqchi döliti" ge aylandurghanliqi, tutqun qilinmighan Uyghurlarningmu mushundaq yuqiri bésim astida hayat kechüridighanliqi bayan qilin'ghan.

Mezkur widiyoluq xewerde körsitilishiche, amérikadiki Uyghur adwokat nuriy türkel ependimu yuqiriqi nuqta heqqide söz qilip: "Siz oylap béqing, eger hökümet sizning yan téléfoningizgha sizni nazaret qilidighan yumtalni qachilashqa mejburlisa, ular sizning bi'ologiyelik uchurliringizni zormu-zor éliwalsa qandaq héssiyatta bolisiz?" dégen.

Xewerde yene Uyghurlarning normal diniy pa'aliyetliri, hetta islamiy isimlarni qollinishningmu hökümet da'iriliri teripidin cheklen'genliki nuqtiliq tilgha élin'ghan.

Bu heqte söz qilghan "Iqtisadshunas" gézitining xelq'araliq muxbiri jon parkér xitay hökümitining islam dinini "Waqti ötken din" dep qarap, uninggha bolghan ziyankeshliklirini izchil dawam qiliwatqanliqini tilgha alghan.

Nöwette, gherb döletliridiki herqaysi axbarat wasitilirining Uyghurlarning nöwettiki ehwaligha bolghan diqqet-étibari künsayin éship barmaqta.

Toluq bet