Amérika, en'gliyediki Uyghur we yehudilar xanukah küni lagérdiki Uyghurlarni xatirilidi

Muxbirimiz erkin
2020-12-11
Share

Amérika, en'gliyediki Uyghur we yehudiy teshkilatliri 10-dékabir yehudilarning xanukah bayrimi küni birleshme pa'aliyet ötküzüp, lagérdiki Uyghur tutqunlirini xatiriligen. Bu Uyghurlarning 1-qétim yehudilar bilen birliship xanukah kéchiside bundaq pa'aliyet ötküzüshidur. Amérikadiki xatirilesh pa'aliyiti 10-dékabir kéchisi washin'gtondiki linkoln xatire sariyining aldida ötküzülgen. Pa'aliyette amérika Uyghur birleshmisining programma diréktori maks gélbér söz qilip, Uyghurlarning 70 yildin kéyin yehudilar bilen oxshash mesilige duch kelgenlikini bildürgen.

Uning tekitlishiche, Uyghur mesilisi "Uyghurlarning étiqadi üchün qilinidighan küresh bolushtin halqip chiqip, insaniyetning ortaq mesilisige aylan'ghan." washin'gtondiki pa'aliyetni amérika Uyghur birleshmisi, Uyghur kishilik hoquq qurulushi we yehudiy teshkilatliri orunlashturghan. Shu küni yene dunya Uyghur qurultiyi en'gliyediki 8 yehudiy yashlar teshkilati bilen torda xatirilesh pa'aliyiti ötküzgen. "Yehudiy kronikal" gézitining bildürüshiche, en'gliyediki pa'aliyet xanukah bayrimining 3-künimu yene ötküzülidiken.

Xewerde amérikadiki yehudiy herikiti teshkilati, yawropa yehudiy oqughuchiliri teshkilatiningmu Uyghurlarning erkinliki üchün bundaq pa'aliyet uyushturghanliqini bildürgen. "Yehudiy kronikal" gézitining tekitlishiche, bu pa'aliyetning xanukah küni ötküzülüshidiki seweb bu bayramning "Yehudilarning bir impériye zulumini meghlup qilghanliqigha wekillik qilishi bilen munasiwetlik" iken.

Xewerde grék impiriyesi yehudilarning medeniyiti we dinini yoqitishqa urun'ghandek xitayningmu Uyghurlarni yoqitishqa urunuwatqanliqi, her ikki zalimning qilmishi oxshap kétidighanliqi tekitlen'gen. Xanukah yehudilarning qedimki grék impiriyesige qarshi qozghilang kötürüp, 2-ibadetxanisining qayta tiklinishini xatirilesh bayrimi bolup, "Yoruqluq bayrimi" dep atilidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet