ياۋروپا شەرقىي تۈركىستان بىرلىكى 10-دېكابىر ئىنسان ھەقلىرى كۈنىدە نامايىش قىلماقچى
2016.12.02
2-دېكابىر جۈمە كۈنى گېرمانيىدىكى ياۋروپا شەرقىي تۈركىستان بىرلىكى تەشكىلاتى ئىجتىمائىي تاراتقۇلاردىن فېيسبوكتا ئۇقتۇرۇش چىقىرىپ، 2016-يىلى 12-ئاينىڭ 10-كۈنىدىكى دۇنيا ئىنسان ھەقلىرى كۈنىدە گېرمانىيەدىكى ئۇيغۇرلارنىڭ ميۇنخېن شەھىرىدىكى خىتاي كونسۇلخانىسى ئالدىدا نارازىلىق نامايىشى ئۆتكۈزۈپ، خەلقئارا ئىنسان ھەقلىرى كۈنىنى خاتىرىلەيدىغانلىقىنى ئېلان قىلدى.
ئۇقتۇرۇشتا بۇ قېتىمقى نارازىلىق نامايىشىنىڭ دۇنيا ئۇيغۇر قۇرۇلتىيىنىڭ چاقىرىقىغا ئاساسەن ئورۇنلاشتۇرۇلغانلىقى، گېرمانىيەنىڭ مىيۇنخىن شەھىرى ۋە باشقا جايلىرىدىكى ئىمكانىيىتى يار بەرگەن ئۇيغۇر ۋەتەنداشلارنىڭ نامايىشقا قاتنىشىشى لازىملىقى بىلدۈرۈلگەن بولۇپ، ئۇيغۇرلارنى، 10 -دېكابىر خەلقئارا ئىنسان ھەقلىرى كۈنىنى ۋە بىرلەشكەن دۆلەتلەر تەشكىلاتىنىڭ كىشىلىك ھوقۇق ئۇنىۋېرسال باياناتى ئېلان قىلىنغان بۇ كۈننى خاتىرىلەش ئارقىلىق، ئۇيغۇرلارنىڭ نۆۋەتتە ئۆز ۋەتىنىدە خىتاي ھۆكۈمىتىنىڭ سىياسىي جەھەتتىن باستۇرۇشىغا ئۇچراۋاتقان رىيال ۋەزىيىتىنى دۇنياغا ئاڭلىتىشقا ۋە خىتاي ھۆكۈمىتىنىڭ باستۇرۇش سىياسىتىگە نارازىلىق بىلدۈرۈشكە چاقىرغان.
كۆپ كۆرۈلگەن خەۋەرلەر
RFA
- ئەنگلىيەلىك يۇتۇبېر كۆرگەن تاقاقلىق مەسچىتلەر ۋە روزا تۇتۇش چەكلەنگەن ئۇيغۇرلار ۋەزىيىتى دىققەت قوزغىدى
- خىتايغا قايتۇرۇلغان ئۇيغۇرلارنى «يوقلاش» قا ماڭغان تايلاند ۋەكىللەر ئۆمىكى ئاگاھلاندۇرۇلدى
- مۇتەخەسسىسلەر:«خىتايغا خۇشخەۋەر بولغان ئىشلار ئۇيغۇرلار ئۈچۈن شۇم خەۋەردۇر»
- «شىنجاڭ ۋەكىللىرى» «دۆلەت ئورتاق تىل-يېزىقى قانۇنى» غا ئۆزگەرتىش كىرگۈزمەكچى
- ئاقسۇدا روزىدارلارنىڭ روزىسىنى بۇزۇش ياكى روزا تۇتۇشقا ئىمكان قويماسلىق ئۈچۈن ئاھالىلەر مەجبۇرىي ئەمگەككە سېلىنغان