Uyghur aptonom rayonidiki néfit ishlepchiqirishining yérimini dégüdek xitayning "Junggo néfit shirkiti" igiligen

Muxbirimiz erkin
2020-01-06
Élxet
Pikir
Share
Print

Uyghur aptonom rayonining 2019‏-yildiki xam néfit ishlepchiqirishining yérimini dégüdek xitayning "Junggo néfit shirkiti" ge qarashliq "Shinjang néfit shirkiti" igiligen hemde uning yilliq ishlepchiqirish miqdarini dawamliq artturghan. "Xitay xewerler" torining ashkarilishiche, "Shinjang néfit shirkiti" 2019‏-yili 12 milyon 470 ming tonna xam néfit, 2 milyard 930 milyon küp métir tebi'iy gaz ishlepchiqarghan bolup, uning ötken yili ishlepchiqarghan sap xam néfit mehsulati aldinqi yilqidin bir milyon tonna artqan.

Közetküchiler bu xitay hökümiti 3 milyondek Uyghurni lagérlargha qamap, Uyghur jem'iyitige qarita omumyüzlük teqiblesh élip bériwatqan bir mezgilde xitayning mezkur rayonning néfit, tebi'iy gaz énérgiyesige bolghan éhtiyaji we qézish sür'itining dawamliq tézlishiwatqanliqini körsitidu, dep qarimaqta.

Uyghur aptonom rayonidiki néfit, tebi'iy gaz énérgiye bayliqini "Junggo néfit shirkiti" dek xitay dölet karxanilirining monopol qilip, bu sahediki yuqiri ma'ashliq xizmet orunlargha xitaylarni qobul qilishi Uyghur kishilik hoquq teshkilatlirining izchil tenqidige uchrap kelgen idi.

2019‏-Yili Uyghur aptonom rayonida ishlepchiqirilghan bir yilliq omumiy néfit mehsulatining az kem yérimini dégüdek "Junggo néfit shirkiti" ning "Shinjang néfitliki" tarmaq shirkiti igiligen.

"Xelq'ara énérgiye tori" ning ötken yili élan qilin'ghan bir xewiride qeyt qilinishiche, Uyghur aptonom rayonining 2019‏-yilining deslepki 6 éyida ishlepchiqarghan omumiy xam néfit mehsulati 13 milyon 782 ming tonna bolup, bu aldinqi yilqidin 2. 4 Pirsent artqan. Uning 2019‏-yilning kéyinki 6 éyida ishlepchiqarghan omumiy xam néfit mehsulati téxi melum emes.

Toluq bet