Uyghur rayonida ötken yili 27 milyon tonna néfit élindi

Xitay néfit sahesi 2015 - yili, Uyghur rayonidiki töt néfitliktin 27 milyon 880ming tonna néfit alghan.

Shinxu'a torining bu heqtiki xewiridin melum bolushiche, qaramay néfitliki, tarim néfitliki, turpan - qumul néfitliki we tarim oymanliqining shimali tereplirige jaylashqan tarim deryasi wadisi néfitlikidin ibaret töt chong néfit bazisidin ishlep chiqirilghan xam néfit 2015 - yili, pütün xitay xam néfit ishlep chiqirishining 12,8 %ni igiligen bolup, mezkur töt néfitlikning igiligen néfit mehsulat nisbiti yilidin - yilgha ashmaqta we 2014 - yilidikidin 820 ming tonna néfitni köp ishlep chiqirilghan.

Xitay néfit sahesi Uyghur rayonidiki néfitliklerdin érishidighan néfit miqdarini téximu köpeytishni meqset qilghan bolup, shinxu'aning xewiride éytilishiche, 2020 - yili, Uyghur rayonida ishlep chiqiridighan xam néfit mehsulat miqdarini 29 milyon tonnigha yetküzidiken,

Néfittin bashqa yene tebi'iy gaz ishlepchiqirish miqdarini téximu ashurulmaqchi bolup, 2020 - yiligha kelgende yilliq tebi'iy gaz ishlep chiqirish miqdari 36 milyard kupmétirgha yetküzilidiken.

Nöwette xitayning gherbning tebi'iy gazini sherqqe yötkesh, gherbing néfitini sherqqe yötkesh qatarliq bir yürüsh qurulushlarni kücheytilmekte.

Xitay hökümet xewerliride éytilishiche Uyghur aptonom rayonidiki néfit zapisining 22. 8 Milyard tonna ikenliki perez qilin'ghan.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar