Yaponiyening eng chong pemidur qiyami shirkiti "Shinjang pemiduri" ni import qilishni toxtatqan

Muxbirimiz erkin
2021-04-14
Share

Yaponiyening eng chong pemidur qiyami shérkiti-kagomé "Shinjang pemiduri" ni import qilishni toxtitip, xitayning Uyghurlarni xorlishi seweblik Uyghur élida ishlepchiqirilghan mehsulatlarni import qilishni toxtatqan gherb shirketlirining sépige qoshulghan.

Közetküchilerning éytishiche, bu xitayning Uyghur élidiki mejburiy emgekke chétishliq sahelirige bérilgen yene bir zerbe iken. "Nikéy asiya" torining xewer qilishiche, kagomé shirkitining bir wekili pemidur bahasi we süpiti bilen birge "Kishilik hoquq mesilisimu bu qararning chiqirilishidiki bir amil bolghanliqi" ni éytqan.

Kagomé shirkiti Uyghur mesilisi tüpeyli Uyghur éli bilen soda qilishni toxtatqan yaponiyediki tunji chong shirket, dep qaralmaqta. Közetküchilerning éytishiche, "Shinjang pemiduri" kagomé mehsulatlirining bir pirsentige yetmisimu, biraq uning qararining simwulluq ehmiyiti zor iken. Kagomé shirkiti bu qararini yaponiye bash ministiri yushihidé suganing 16-april amérikada ziyarette bolushining aldida élan qilghan.

Birleshme agéntliqining yéqinda bergen xewiride éytilishiche, bash ministér suga bilen prézidént baydénning söhbitide Uyghurlar mesilisimu küntertipke kélidiken. Xitay tashqiy ishlar ministiri wang yi 6-april yaponiye tashqiy ishlar ministiri toshimitsu motigé bilen téléfonda sözleshkende, motigéni "Chong döletler arisidiki ixtilaplargha arilashmasliq" toghrisida agahlandurghan. Motigé bolsa xitayning konkirét heriket qollinip, "Shinjangdiki kishilik hoquq weziyitini yaxshilishi" ni telep qilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet