Уйғур елиниң полат - төмүр саһәси еғир зиянға учримақтикән

Мухбиримиз ирадә
2016-03-03
Share


Хитай һөкүмитиниң мәмликәт миқяси бойичә полат - төмүр ишләпчиқиришини кемәйтиш сияситиниң уйғур райониға көрситидиған сәлбий тәсириниң еғир болидиғанлиқи пәрәз қилинмақта. Ройтерс агентлиқиниң бу һәқтә елан қилған тәпсилий хәвиридин қариғанда, хитай һөкүмити хитайдики еһтияҗдин ешип кәткән полат ишләпчиқиришини контрол астиға елиш вә муһит булғинишини тезгинләш үчүн кейинки 3, 2 йил ичидә мәмликәт миқяси бойичә полат - төмүр саһәсидин 5 - 6 милйон адәмни иштин қисқартишни пилан қилмақтикән. Мутәхәссиләрниң қаришичә, он милйон тоннидин артуқ полат ишләпчиқириш сиғимчанлиқиға игә болған уйғур райони бу сиясәтниң тәсиригә әң еғир учриши мумкин икән.

"шинҗаң 1 - авғуст полат - төмүр шеркити"ниң исмини ашкарилашни халимиған бир хадими ройтерс мухбириға әһвалниң интайин еғирлиқини, нурғун йеңи қурулған полат завутлириниң тақилип, баһаниң чүшүп кәткәнликини ейтип бәргән. Униң ейтишичә, тақилип кәткән завутларниң ичидики әң аз дегәндә 7 си 2010 - йилидики "шинҗаң хизмити" йиғинидин кейин уйғур аптоном райониниң һалқима тәрәққий қилдуридиғанлиқини илгири сүрүп салған мәблиғи билән қурулған карханилар икән.

Хоңкоң билим вә техника унверситетиниң хитайдики милләтләр мәсилиси тәтқиқатчиси баррий саутман ройтерс мухбириға полат - төмүр саһәсидики чекиниш вә адәм қисқартиш уйғур районида бундин кейин ишқа орунлишишни техиму қейинлаштуридиғанлиқи үчүн район вәзийитигиму бәлгилик сәлбий тәсирләрни пәйда қилиду, дәп қарашқа болидиғанлиқини ейтқан.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт