Uyghur élining polat - tömür sahesi éghir ziyan'gha uchrimaqtiken

Muxbirimiz irade
2016-03-03
Share


Xitay hökümitining memliket miqyasi boyiche polat - tömür ishlepchiqirishini kémeytish siyasitining Uyghur rayonigha körsitidighan selbiy tesirining éghir bolidighanliqi perez qilinmaqta. Roytérs agéntliqining bu heqte élan qilghan tepsiliy xewiridin qarighanda, xitay hökümiti xitaydiki éhtiyajdin éship ketken polat ishlepchiqirishini kontrol astigha élish we muhit bulghinishini tézginlesh üchün kéyinki 3, 2 yil ichide memliket miqyasi boyiche polat - tömür sahesidin 5 - 6 milyon ademni ishtin qisqartishni pilan qilmaqtiken. Mutexessilerning qarishiche, on milyon tonnidin artuq polat ishlepchiqirish sighimchanliqigha ige bolghan Uyghur rayoni bu siyasetning tesirige eng éghir uchrishi mumkin iken.

"Shinjang 1 - awghust polat - tömür shérkiti"ning ismini ashkarilashni xalimighan bir xadimi roytérs muxbirigha ehwalning intayin éghirliqini, nurghun yéngi qurulghan polat zawutlirining taqilip, bahaning chüshüp ketkenlikini éytip bergen. Uning éytishiche, taqilip ketken zawutlarning ichidiki eng az dégende 7 si 2010 - yilidiki "Shinjang xizmiti" yighinidin kéyin Uyghur aptonom rayonining halqima tereqqiy qilduridighanliqini ilgiri sürüp salghan meblighi bilen qurulghan karxanilar iken.

Xongkong bilim we téxnika unwérsitétining xitaydiki milletler mesilisi tetqiqatchisi barriy sa'utman roytérs muxbirigha polat - tömür sahesidiki chékinish we adem qisqartish Uyghur rayonida bundin kéyin ishqa orunlishishni téximu qéyinlashturidighanliqi üchün rayon weziyitigimu belgilik selbiy tesirlerni peyda qilidu, dep qarashqa bolidighanliqini éytqan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet