5-Нөвәтлик "америка уйғур лоңқиси" ни талишиш путбол мусабиқиси 1-июл башланди

Мухбиримиз сада
2019-07-05
Share

Шималий америкадики уйғурларниң 5‏-нөвәтлик "америка уйғур лоңқиси" ни талишиш потбул мусабиқиси 1‏-июл күни америкадики калифорнийә штатиниң сан-франсеско шәһиридә башланди.

Сан-франсеско шәһиридики "сан-франсеско уйғур потбул кулуби" ниң саһибханилиқида өткүзүлүватқан бу қетимлиқ мусабиқә 7‏-июлғичә давам қилидикән.

Мусабиқидә вирҗинийә штатидики "уйғур бирләшмә командиси", "тәклимакан уйғур потбул кулуби", "мариланд уйғур потбул кулуби", "канада боғда уйғур кулуби", "лос-анҗелис уйғур потбул кулуби", "сан-франсеско уйғур потбул кулуби" вә "бостон-ню-йорк бирләшмә командиси" қатарлиқлар чемпийонлуқни талишидикән.

Игилинишичә, мусабиқидә чемпийонлуққа, 2‏- вә 3‏-ликкә еришкәнләргә мукапат берилгәндин башқа йәнә һәр бир путболчиға берилидиған хатирә медали, әң яхши путболчиға берилидиған "алтун топ" мукапати, әң яхши варитаға берилидиған "алтун пәләй" мукапати вә әң көп топ урған путболчиға берилидиған "алтун аяқ" мукапатлири тәсис қилинған икән.

"америка уйғур лоңқиси" потбул мусабиқиси 2015‏-йили тәсис қилинған болуп, шуниңдин бери һәр йили американиң һәр қайси штатлирида нөвәт билән өткүзүлүп кәлмәктә. Өткән йилқи мусабиқә американиң вирҗинийә штатида өткүзүлгән болуп, мәзкур штаттики "уйғур бирлики командиси" чемпийонлуққа еришкән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт