5-Nöwetlik "Amérika Uyghur longqisi" ni talishish putbol musabiqisi 1-iyul bashlandi

Muxbirimiz sada
2019-07-05
Share

Shimaliy amérikadiki Uyghurlarning 5‏-nöwetlik "Amérika Uyghur longqisi" ni talishish potbul musabiqisi 1‏-iyul küni amérikadiki kaliforniye shtatining san-fransésko shehiride bashlandi.

San-fransésko shehiridiki "San-fransésko Uyghur potbul kulubi" ning sahibxaniliqida ötküzülüwatqan bu qétimliq musabiqe 7‏-iyulghiche dawam qilidiken.

Musabiqide wirjiniye shtatidiki "Uyghur birleshme komandisi", "Teklimakan Uyghur potbul kulubi", "Mariland Uyghur potbul kulubi", "Kanada boghda Uyghur kulubi", "Los-anjélis Uyghur potbul kulubi", "San-fransésko Uyghur potbul kulubi" we "Boston-nyu-york birleshme komandisi" qatarliqlar chémpiyonluqni talishidiken.

Igilinishiche, musabiqide chémpiyonluqqa, 2‏- we 3‏-likke érishkenlerge mukapat bérilgendin bashqa yene her bir putbolchigha bérilidighan xatire médali, eng yaxshi putbolchigha bérilidighan "Altun top" mukapati, eng yaxshi waritagha bérilidighan "Altun peley" mukapati we eng köp top urghan putbolchigha bérilidighan "Altun ayaq" mukapatliri tesis qilin'ghan iken.

"Amérika Uyghur longqisi" potbul musabiqisi 2015‏-yili tesis qilin'ghan bolup, shuningdin béri her yili amérikaning her qaysi shtatlirida nöwet bilen ötküzülüp kelmekte. Ötken yilqi musabiqe amérikaning wirjiniye shtatida ötküzülgen bolup, mezkur shtattiki "Uyghur birliki komandisi" chémpiyonluqqa érishken idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet